Nýr 2023 Toyota Prius kynntur með flottri hönnun
Heimsfrumsýning á alnýjum Prius í Japan: Prius fer í algjöra endurhönnun, með fáguðum stíl og akstursframmistöðu í litríkum og spennandi pakka
Fimmta kynslóð Prius kemur sem tengitvinnbíll og sem „hybrid“
Toyota City, Japan, 16. nóvember 2022—Toyota hefur afhjúpað nýja Prius í fyrsta sinn á heimsvísu, með Parallel Hybrid (HEV) gerðum sem koma á markað núna í vetur og Plug-in Hybrid (PHEV) gerðir sem koma á markað vorið 2023.
- Prius hefur þróast undir „Hybrid Reborn“ hugmyndinni í spennandi pakka með stílhreinni hönnun sem notendur verða ástfangnir af við fyrstu sýn og grípandi akstursframmistöðu. Markmið Toyota var að búa til bíl sem eigendur munu halda áfram að elska og keyra.
- NýrPrius erfir einstakan einmótaðan prófíl upprunalega bílsins og notar breiða og lága stöðu með stóru þvermáli dekkja til að búa til stílhreina hönnun sem höfðar til skilningarvitanna.
- Með fimmtu kynslóð tvinnkerfisins og annarri kynslóðar TNGA grunns, skilar nýi Prius þægilegum aksturseiginleikum sem fá notendur til að vilja halda áfram að keyra.
Aðeins sem tengitvinnbíll (plug-in hybrid) í Evrópu
Samkvæmt frétt á vef Automotive News Europe í dag verður þessi nýi Prius aðeins í boði sem tengitvinnbíll í Evrópu.
Upprunalega línan í Prius heldur sér vel enn í fimmtu kynslóðinni
25 ára saga
Toyota Prius hefur verið með okkur í yfir 25 ár og á þeim tíma hefur hann orðið tákn fyrir umhverfisvænan akstur. Þrátt fyrir framgang fullrafknúinna bíla mun nýr Prius frá Toyota halda áherslunni á tvinnafl sem hann hefur byggt nafn sitt á.
Fyrsta kynslóð af Prius kom á markað í Japan árið 1997, en það var ekki fyrr en önnur kynslóðin kom fram á sjónarsviðið árið 2003 sem við fórum að sjá bílinn hér á Vesturlöndum, og þá kom hann í þeirri mynd sem enn er sjáanleg í þessum nýja sem verið var að frumsýna.
Prius, sem hefur verið góður sölubíll fyrir Toyota um allan heim (yfir fimm milljónir eintaka og sífellt seljast fleiri), hefur þróast jafnt og þétt í gegnum árin, en mesta breytingin varð árið 2012 þegar hann tók fyrst upp tengitvinntækni.
Aflrásin hefur einnig verið endurskoðuð þar sem slagrými bensínvélarinnar stækkar úr 1,8 lítrum í 2,0 lítra fyrir bæði tengitvinnbílinn og hybrid-bílinn.
Tengitvinn Prius kemur með 220 hö sem gerir ráð fyrir 0-100 km/klst tíma upp á 6,7 sekúndur. Meira um vert fyrir flesta Prius kaupendur, Toyota segir að skilvirkni haldist umfram fyrri gerð.
Drægni hreins rafknúins bíls er um 50 prósent meiri en áður, svo búist er við um 95 km drægni þegar eingöngu er ekið á rafmagninu.
Hvað venjulegu hybrid-gerðina varðar, þá eru tveir aflrásarvalkostir, 2,0 lítra og 1,8 lítra. 2,0 lítra bíllinn kemur með 190 hestöfl og þó Toyota hafi ekki gefið upp tölur um afköst enn þá segir að allar gerðir bjóða upp á „grípandi akstursárangur“.
Að framan er MacPherson fjöðrun og tvöföld klofspyrnufjöðrun að aftan, sem Toyota segir að veiti stöðugleika, viðbragðsflýti og „auðveldar beinan akstur“.
Hér er horft á afturendann á HEV-gerðinni, eða „Series Parallel Hybrid“ eins og Toyota kallar „Hybdrid-bílinn“.
Ólíkt fyrri tengitvinnbílum og hybrid bílum, þá er mjög lítið sem greinir á milli nýju gerðanna tveggja. Heildarhönnunin fær fullt af hönnunaráherslum að láni frá væntanlegum C-HR arftaka og alrafmagnsbílnum bZ3. Framendinn er með C-laga framljósum og vélarhlíf sem rís næstum í takt við framrúðuna til að búa til slétt útlitssnið.
Innanrými nýja Prius er mun meira í ætt við nýjasta bZ4X EV, með stærri snertiskjá sem ræður ríkjum í mælaborðinu og minni stafrænn skjár fyrir ökumanninn. Það eru sjálfstæð stjórntæki fyrir loftslagsstýringu fyrir neðan aðalskjáinn og við sjáum að stýrið hefur verið fengið úr bZ4X. Ólíkt rafbílnum heldur Prius hnappavali á gírum frekar en snúningstakka.
Víðsýn sóllúga er staðalbúnaður fyrir allar gerðir og PHEV útgáfur eru með sólarhleðslukerfi sem getur skilað allt að 1245 km akstri á ári.
Það er líka „Safety Sense“ fráToyota sem bætist við úrval öryggiskerfa, auk þess er Advanced Park - sem gerir sjálfvirka lagningu og út úr bílastæðum - sem einnig er hægt að fjarstýra í gegnum snjallsímaforrit.
(grein byggð ávef Toyota í Japan og á Auto Express)
Aðrar umfjallanir
Bílaflutningaskipið og óheillakrákan með því lukkulega nafni Felicity Ace er nú á hafsbotni ásamt 4000 nýjum bílum. Það er á um 3000 metra dýpi 220 sjómílur frá ströndum Azoreyja eftir tveggja vikna vandræði á hafi úti
Þeir sem eldri eru en tvævetur muna án efa eftir lögregluforingjanum geðþekka: Hinum þýska Stephan Derrick...
Mercedes-liðið í Formúlu 1 hefur dregið allar kærur, skammir og fúkyrði „til baka“ og vill nú að allir verði vinir. Annar eins viðsnúningur er sjaldséður á svo skömmum tíma en nú ætlar liðið að einbeita sér að því að „byggja upp jákvæða ímynd Formúlu 1“.
Maður skyldi nú ætla að næsta ómögulegt væri að tveir bílar væru fyrir tilviljun með sama bílnúmerið. Hvað þá fjórir bílar með sama bílnúmerið! Í dag eru slík mistök við skráningu svo gott sem ómöguleg, en þetta gerðist nú endrum og sinnum hér áður fyrr.