Hvernig bíll værir þú?
Ég var að reynsluaka bíl um daginn og datt þá allt í einu í hug að líkja honum við manneskju. Mér datt í hug nunna. Þetta var semsagt nokkuð einfaldur bíll, með gott orðspor, vinsæll án þess að að bera það utan á sér, klikkar lítið ef hann fær gott viðhald, frekar döll og með lítil karaktereinkenni. Jú, þetta var nefnilega Toyota.
Þessi CHR er ekkert eins og nunna - en það er eitthvað við Toyota sem minnir á þær.
Hefur þú einhverntímann pælt í því hvernig bíll þú værir? Fyrsta sem mér datt í hug er að ég væri Honda Civic. Sportlegur, snöggur og endingargóður. Það eru til Honda Civic sem eru orðnir eldgamlir en ennþá þrælsprækir.
Þá datt mér í hug að taka nokkra nafntogaða einstaklinga og líkja þeim við bíltegundir.
Ekki að hann hafi komið fyrst upp í hugann en Kristján Jóhannsson stórsöngvari er glæsilegur náungi með toppsöngrödd. Hann leynir á sér, hnyttinn og gerir grín að sjálfum sér en með alvöru undirtóni. Það sem meira er að hann ber sorgir sínar ekki á torg og giggin hans eru rándýr. Þetta á allt við um Landrover Discovery finnst mér. Já, hann Kristján Jóhannsson er soldið svona eins og Discovery held ég.
Discovery er myndarlegur bíll og vinsæll að auki. Hann getur hins vegar verið skeinuhættur og dýr í rekstri ef þannig liggur við.
Egill Ólafsson sé ég bara fyrir mér í hjörð Toyota Corolla bíla þar sem hann rekur þær á hús með orðunum – „Ég vil þín njóta, Toyota”. Svo er spurning hvaða Toyota bíl Ólafur Darri velur sér. Land Cruiser kæmi ekki á óvart, Black edition kannski?
Ný rödd sama boddý. Hér er kominn sjálfur Ólafur Darri í líki Land Cruiser, Black edition.
Sjáið þið Egil Ólafs fyrir ykkur í miðjum hópnum og kallar „Ég vil þín njóta Toyota".
Svo er það herra Ólafur Ragnar Grímsson fyrrverandi forseti lýðveldisins. Röddin, fasið og hártoppurinn minnir helst á gullitaðan Volvo 262 árgerð 1978.
Hér beinlínis stendur „Herra Ólafur Ragnar Grímsson". Maður heyrir meira að segja röddina í þeim gamla þegar maður lítur á bílinn.
Þeir hefðu örugglega skemmt sér vel saman hann og David Bowie en hann á svartan svoleiðis.
Hvaða bíl finnst ykkur Katrín Jakbos forstætisráðherra líkjast? Fyrst dettur manni í hug Toyota Yaris en hún klikkar aldrei, hægt að aka henni endalaust og meira segja án mikils viðhalds. Furðuleg ending á svona litlu verkfæri. Helsta einkenni er þó hátt endursöluverð en það endurspeglar mjög vel gengi Katrínar í kosningum undanfarin kjörtímabíl – alltaf dettur stelpan inná þing.
Katrín er oft sportleg í útliti. Hún líka er ótrúlega þrautseig og heppin í stjórnmálum.
Ekki dettur mér í hug að líkja honum Sigmundi Davíð við nokkurn þýskan bíl, þaðan af ekki ítalskan og alls ekki sovéskan – nema þá kannski helst Volga.
Traustur, endingargóður, grófur, vinalegur en þarf sitt viðhald. Hér er sennilega kominn formaður Miðflokksins, Sigmundur Davíð Gunnlaugsson.
Hvaða bíll skyldi Dagur B. Eggertsson vera? Alveg pottþétt bensínbíll, bensínhákur, eyðsluseggur.
Glæsilegur bíll, mikil þægindi, lofar hins vegar meiru en hann getur staðið við. Hrikalega eyðslufrekur. Þessi bíll er Dagur B. Eggertsson.
Gæti verið Ford Expedition með V8 sem notaður væri í leiguakstur. Gæti aldrei borgað sig
Maður hefur heyrt marga tala um að Mick Jagger sé þessi náungi sem er fallega ljótur. Alveg ótrúlegt úthaldið sem þessi foli hefur. Ef hann væri bíll myndi ég ætla að hann væri framleiddur í breskri bílaverksmiðju en búið væri að taka hann í gegn mörgum sinnum á líftímanum.
Ferskara lúkk en sama byggingarlag.
Um daginn kom fram í fréttum að Geir Haarde hefði alls ekki átt að taka skellinn fyrir hrunið og lenda í Landsdómi. Hvað um það.
Geir Haarde, sami munnsvipur!
Að lokum skulum við kíkja á verkalýðsforingjann hana Sólveigu Önnu Jónsdóttir.
Hún er hörð stelpan. Vílar ekki fyrir sér verkföll og blammeringar. En hvaða bíl skyldi hún líkjast? Fiat Multipla? Ótrúlega sérstakt yfirbragð en gott með gott inn- og útstig.
Laglegur bíll ef þannig er horft á hann.
Látum þetta gott heita í bili. Kannski einn í viðbót. Bjarni Benediktsson hugsar vel um sig og sína og passar að farið sé eftir lögum og reglu.
Þetta tæki er af Caterpillar gerð og endist líklega um aldur og ævi fái það rétt viðhald.
Aðrar umfjallanir
Afl véla, þar með talið rafmótora, er oft skráð sem kW eða kílóvött en sumum finnst betra að hafa þetta í hestöflum og þá er hægt að leika sér að því að breyta þessum...
Sá sem þetta skrifar var 7 ára gutti árið 1951 og á því ári eignaðist ég módel af kappakstursbíl sem var mikið uppáhald hjá mér í nokkur ár, þar til...
Við sögðum frá því hér á vefnum að von væri á nýrri útgáfu af Skoda Fabia með vorinu, og eina myndin sem þá var tiltæk var ein...
Tesla var að kynna á markaði nýja öfluga útgáfu af Model S, með það að markmiði að endurvekja áhuga á næstum áratugs gömlum fólksbíl og verjast...