Sérlega vel búinn og sportlegur Tucson

Það er kominn splunkunýr Huyndai Tucson. Sportlegur, fallegur og þægilegur og boðinn í rafmögnuðum útfærslum. Bíllinn markar að okkar mati tímamót í viðmóti, akstursþægindum og útlti. Í einu orði sagt geggjaður bíll.

Yfir sjö milljónir seldar

Hyundai á Íslandi býður nú fjórðu kynslóð af þessum sportjeppa í nokkrum vel heppnuðum útfærslum. Hyundai býður bílinn þremur megin útfærslum – mild-hybrid, hybrid og plug-in hybrid. Við hjá Bílabloggi fengum að prófa hjá þeim hybrid útgáfu og skemmtum við okkur ágætlega þá prófunarhelgi.

Úrval orkugjafa

Mild-hybrid eða mildur blendingur er með rafhlöðu sem drífur lítinn rafmótor á meðan mestu átökin í inngjöfinni standa yfir t.d. við hraðaukningu. Um er að ræða 48 volta rafhlöðu sem knýr rafmótorinn. Að auki er í bílnum hefðbundin 1,6 lítra 136 hestafla dísel vél. Dísel vélin togar 320 NM. Hybrid bíllinn er með 1,6 lítra bensínvél sem gefur 230 hestöfl og togar 260 NM. Það er bíllinn sem við prófuðum. Að endingu er bíllinn boðinn sem plug-in hybrid eða tengitvinn. Sá bíll kemur með 1,6 lítra, 265 hestafla bensínvél sem togar 304 NM. Það er því kraftur í kögglum sem þessum bíl hefur verið útlhlutað af hönnuðum Hyundai. Bíllinn er búinn sex gíra sjálfskiptingu.

Flott hönnun og topp efnisval

Hyundai sparar ekki varðandi efni. Mælaborðið er búið tveimur kýrskýrum skjám, annar er mælaborðsskjár og hinn margmiðlunarskjár. Eftirtektarvert er hve skjáirnir eru skýrir og hve þeir næmir eru fyrir snertingu. Báðir eru rúmlega 10 tommur og mælaborðsskjárinn er haganlega hannaður inn í mælaborðið og myndar töff heild  í smartri hönnun þess. Við tókum líka eftir því hve auðvelt er að stilla miðstöð og til dæmis útvarp. Útvarpið er mjög myndrænt og á stórum skjánum er auðvelt að sjá hvaða rás er í gangi.

Plássgóð þægindi

Plássið er gott. 620 lítra farangursgeymsla, rafdrifinn hleri, 40:20:40 skipting á aftursætum þannig að til dæmis ef fjölskyldan ætlar á skíði er ekkert mál að setja skíðin í miðjuna – og þannig geta fjórir setið í bílnum. Ef öll sætaröðin er felld niður fer plássið upp í tæpa 1800 lítra.

Tæknilega sinnaður

Að sjálfsögðu er nýr Hyundai með allri nýtískutækni eins og skynvæddum hraðastilli, akreinastýringu, akreinavara og sjálfvirkri neyðarhemlun. Hann er líka með sjö loftpúða og þar af einn á milli framsætanna sem er nýlegur og öflugur öryggisþáttur. Við erum líka að tala um LED aðalljós, LED þokuljós og upphituð aftursæti í Style bílnum.

Hentar fjöldanum

Hyundai Tucson er bíll sem boðinn er í breiðu úrvali. Þú getur valið þinn bíl eftir þínum þörfum.

Ef þú vilt allan pakkann eru Style og Premium bílarnir valkostur.

Helstu tölur:

Verð frá: 6.490 þús. (Verð á Style reynsluakstursbíl 7.890 þús.).

Vél: Bensínvél og rafmagnsmótor.

Hestöfl: 230 hestöfl / 42,2 kW rafmótor.

Newtonmetrar: 260.

0-100 k á klst: 8 sek.

Hámarkshraði: 193 km.

CO2: 130 g/km.