Subaru Solterra er aflmikill og skemmtilegur bíll
Það lá beinast við að taka Subaru Solterra strax á eftir hinum nýja Toyota BZ4X til að sjá hvort einhver væri munurinn. Hann er reyndar lítill en bara nafnið Subaru gefur manni nú svolítið fjórhjóladrifið traust. Bíllinn er að öllu leyti þrælskemmtilegur í akstri, aflmikill og fer mjög vel með mann.
Subaru Solterra er flottur fjórhjóladrifinn fólksbíll með fína veghæð.
Við tókum stuttan rúnt á bílnum og fórum aðeins út fyrir borgarmörkin í leit að sköflum og skít þó ekki ætluðum við að kaffæra nýjum Subaru í einhverjum ofurtorfærum bara af því að hann er með aldrif og er fyrsti rafdrifni Subaruinn.
Fór létt með það
Hins vegar ókum við honum létt og lipurlega yfir hóla og hæðir fyrir ofan Hafravatn en þar sýndi hann okkur sínar bestu hliðar.
Þessi Solterra kemur á 20 tommu felgum og það gefur bílnum skemmtilegan svip.
Það sem maður tekur fyrst eftir þegar maður hefur aksturinn er að hann kemst vel áfram. Fullt af afli úr tveimur rafmótorum, öðrum að framan og hinum að aftan.
Tvöhundruð og átján hestöfl sem svara um leið og stigið er á orkugjöfina.
Togið er um 335 Nm. og þessi samsetning er að svínvirka. Bíllinn æðir áfram.
Snjórinn vefst ekki fyrir þessum bíl.
Háþróað fjórhjóladrif
Subaru býr yfir framúrskarandi fjórhjóladrifi sem vakið hefur athygli fyrir öryggi og getu.
Snjór og aur er ekki vandamál á nýjum Subaru Solterra.
Toyota og Subaru unnu að þessum fyrsta alrafdrifna bíl í sameiningu.
Fullt af þægindum
Þú getur stillt orkuendurheimtina með flipum í stýri og þá hleður bíllinn umframorku sem ekki er notuð til að knýja hann áfram – inn á rafhlöðuna.
Drægni skv. WLTP staðlinum er uppgefin um 465 km.
Það þýðir sennilega að bíllinn er að fara þetta um 250 km. eins og tíðarfarið er núna.
Ágætt skottpláss og rafknúinn afturhleri.
Stór og mikill stokkur er í miðju, ekki ósvipaður og í Hyundai Kona en hann gæti hugsanlega truflað lappalengri einstaklinga.
Furðuleg mælaborðshönnun
Stýrið skyggir á mælaborðið en hægt er að hækka og lækka stýrið og þú getur líka dregið það fram og aftur. Það er hægt að stilla það þannig að þú sjáir á allt mælaborðið en það svið er frekar lítið.
Stýrið skyggir aðeins á mælaborðið - gæti farið í taugarnar á einhverjum.
Skemmtilegur bíll
Aksturseignileikar bílsins eru fínir. Hann liggur vel og stýrið er nákvæmt og temmilega létt.
Mælaborðið er flott og skemmtileg hönnun og efnisval í innréttingunni.
Góðir 20 sm. undir lægst punkt.
Subaru Solterra er vel heppnaður og skemmtilegur bíll, frumraun Subaru í rafbílaframleiðslu en bíllnn er samstarfsverkefni Toyota og Subaru.
Hentar mörgum
Okkar mat er að Subaru Solterra henti breiðum hópi kaupenda. 452 lítra farangursgeymslan er ívið minni en til dæmis í VW ID.4 en rúmar samt mjög vel. Auðvelt er að ganga um bílinn, hurðir opnast vel og afthurhlerinn er rafdrifinn.
Sætin eru vel formuð og þægileg - halda vel utan um mann í akstri.
Fín bakkmyndavél
Margmiðlunarkerfi bílsins er búið stórum miðjuskjá sem sýnir reyndar ekki mikið meira en helstu upplýsingar um orkunotkun, hljómkerfi og blátannar símatengingu.
Tvö USB-C hleðslutengi og upphitað aftursæti.
218 hestöfl.
Það er án efa mismunandi hversu kaupendur meta skjákerfi bíla við val á bíl en ef við eigum eitthvað að flokka þessi kerfi eru tæknistigið í lægri kantinum í bílum frá Toyota borið saman við til dæmis Volkswagen og Peugeot.
Helstu tölur:
Verð frá 7.590.000 kr. og upp í 8.490.000 kr. Reynsluakstursbíll Solterra LUX+
Rafhlaða: 73 kWh.
Drægni: 416-465 km. eftir gerð.
0-100 km á klst.: 6.9 sek.
CO2: 0 g/km.
Útfærsla | Drif | Girkassi | Eldsneyti | Tog-Hö. | Stærð rafhlöðu | Drægni allt að | VERÐ FRÁ. | |
---|---|---|---|---|---|---|---|---|
Premium
| Fjórhjóladrif | Sjálfskipting | Rafmagn | 335 - 218 | 71 kWh | 415 km | ||
Lux
| Fjórhjóladrif | Sjálfskipting | Rafmagn | 335 - 218 | 71 kWh | 415 km | ||
Lux+
| Fjórhjóladrif | Sjálfskipting | Rafmagn | 335 - 218 | 71 kWh | 415 km |
Aðrar umfjallanir
Allt frá því að Kia Sorento var kynntur til sögunnar árið 2002 hefur bíllinn notið mikilla vinsælda hér á landi. Um 3000 nýir Kia Sorento bílar hafa verið seldir hér á landi...
Fyrir mér er það afar einfalt hvað kallast góður bíll. Hann er hljóðlátur, vel settur saman, með sterkan og einstakan karakter, einfaldur...
Þó að Ford Ecosport hafi verið framleiddur frá árinu 2003 hefur ekki borið mikið á honum hér á landi fyrr en síðustu misseri.