Bílaframleiðendur keppast við að koma nýjum rafmagnsbílum á markaðinn. Það er því ekki furða að maður verði smá hissa þegar bensínbíll bætist í annars stóran hóp slíkra bíla hjá sama framleiðenda. Við erum að tala um VW Taigo í þessu tilfelli. Hann er svipaður að stærð og Polo, aðeins hærri, ekki langt frá T-Cross, aðeins lengri og ansi nálægt T-Roc líka.
Útlitið er ekki að skemma fyrir þessum bíl.
Taigo í Brasilíu
Við vitum svosem að bíllinn á uppruna sinn í Brasilíu og var hugsaður fyrir þann markað sérstaklega – en VW hefur greinilega ákveðið að gera á honum smá Evrópubreytingar svo hægt yrði að selja fákinn þar.
Hér er VW svipurinn sterkur. Ljósalengja nær yfir allan afturhlutann.
Stílhreint útlit.
Að ofangreindu sögðu er VW Taigo bara hinn ágætasti bíll. Útlitið er kúpulaga og er enn eitt dæmið um tískustrauma í bílaframleiðslu í dag.
Samskonar bílar hjá öðrum framleiðendum skjótast nú út úr hönnunardeildunum eins og gorkúlur.
Þar má nefna Renault Arkana, Citroen C4, VW ID.5, Skoda Enyaq Copué og Volvo C40.
Mjúkur á sinn stinna hátt
Jæja, nóg um það. Við tókum smá bíltúr á VW Taigo um götur borgarinnar. Þrælþægilegur bíll eins og Volkswagen er von og vísa.
Mjúkur á sinn stinna hátt, stílhreinn og efnisval allt til fyrirmyndar.
Enginn íburður enda ekki slíkur bíll að þess þurfi. Pláss í framsætum ágætt og þar fer vel um stærri einstaklinga en pláss í aftursætum minna og sennilega ekki þægilegt til langferða – allavega fyrir fullorðna einstaklinga.
VW Taigo er svona mitt á milli að vera VW T-Cross og VW T-Roc.
Innstig er ágætt, bæði frammí og afturí en þaklínan slúttir eilítið að aftanverðu (vegna kúpulagsins) og truflar það aðeins útstigið úr bílnum.
Ljómandi gott að umgangast bílinn.
Hér er frekar þröngt - allavega fyrir stærri menn, eins og okkur Gulla. Maður verður smá móður að koma sér fyrir þarna afturí.
Mjög vel búinn
VW Taigo er afskaplega vel búinn bíll enda flestir nýir bílar sem hingað koma hlaðnir þægindabúnaði.
Sérlega þægileg sæti enda VW þekkt fyrir gæði í þeim efnum.
Hér er allt með tækni 21. aldarinnar. En miðstöðin er með tökkum - sem er náttla frábært.
Hekla hefur valið staðalbúnað í Taigo sem gerir hann að frábærum kosti hvað verð og gæði varðar.
Annað í bílnum er nokkuð sjálfsagt og í boði í flestum bílum í samkeppni á markaðnum.
Takið eftir tveimur USB C tengjum á milli sætanna.
Hvernig er að aka Taigo?
VW Taigo er alveg prýðilegur í akstri – þegar hann er kominn á ferð. Það eina sem við fundum að varðandi þennan ágæta bíl er að upptakið er afskaplega lítið.
Allt vegna þess að við greiðum innflutningsgjöld eftir útblástursmagni koltvísírings frá bílnum.
Full afllítill
Taigo er ekkert eini bíllinn sem líður fyrir full litla vél. Við getum nefnt aðra bíla eins og Hyundai Bayon, Dacia Jogger og Ford Puma sem dæmi. Fínir bílar í akstri en vantar afl í upptaki.
Hekla býður Taigo í tveimur útgáfum (skv. verðlista) en báðar eru þær með eins lítra vél sem skilar um 110 hestöflum.
Hentar mörgum
VW Taigo er skemmtilegur bíll sem eykur valmöguleikana á annars frekar fjölbreyttum markaði bíla í þessari stærð.
Helstu tölur
Verð frá 4.690.000 kr. Reynsluakstursbíll 4.890.000 kr.
Hestöfl: 110 hö.
Vél: 1.000 rms., þrír strokkar.
Tog: 200 Nm.
Eyðsla bl.ak.: 5.4 ltr/100km.
Eigin þyngd: 1.200 kg.
Nánar um Taigo
Útfærsla | Drif | Vél | Girkassi | Eldsneyti | Tog-Hö. | VERÐ FRÁ. | |
|---|---|---|---|---|---|---|---|
 |
Life
| Framhjóladrif | 1.0L | Beinskipting. 6 gíra | Bensín | 200 - 110 | |
|
Life
| Framhjóladrif | 1.0L | Sjálfskipting. 7 gíra | Bensín | 200 - 110 |
Aðrar umfjallanir
Hvað færðu ef þú blandar saman praktískum fimm dyra fjölskyldubíl, franskri hönnun, sportlegu útliti og póstalausum gluggum? Þú færð 508.
Það var á drapparalegum laugardegi sem ég mætti til Hyundai í Kauptúni til að fá að prufa nýjan Santa Fe.
Það var árið 1959 sem að hinn upphaflegi Austin Mini kom fram á sjónarsviðið með sitt einstaka útlit sem setti sitt mark á sjöunda...
Við hjá Bílabloggi tókum daginn frá fyrir einn mest spennandi rafmagnsbíl á markaðnum í dag. Hann selst eins og heitar lummur hjá umboðinu og það eru biðlistar eftir honum fram eftir hausti...