Nei. Gögnin þín eru eingöngu notuð til að vinna úr pöntuninni þinni.

Þetta geturðu rætt við söluaðilann.

Já, þú getur pantað XC40 Recharge og C40 Recharge rafmagnsbíla á netinu. Ef þú hefur áhuga á öðrum gerðum eða vélum er næsti söluaðili tilbúinn að setja saman álitlegt tilboð fyrir þig.

Já. Hafðu samband við næsta söluaðila til að bóka reynsluakstur.

Við höfum gert það auðveldara að eiga rafmagnaðan C40 Recharge með sveigjanlegum kaup- og leigumöguleikum. Þú getur greitt bílinn að fullu við afhendingu eða nýtt þér ýmsa fjármögnunarmöguleikana.

Hafðu samband við flotasöludeild okkar í Brimborg. Starfsfólk hennar getur svarað spurningum þínum og rætt þá kosti sem eru í boði.

Volvo Cars áætlar að fullhlaðin rafhlaða geti skilað allt að 507 km drægi (tveir mótorar) eða 476–533 km (einn mótor) í blönduðum akstri.* Þessar bráðabirgðatölur eru enn í vottunarferli og verða uppfærðar þegar vottuð gögn um drægni verða tiltæk.

Aksturslag og aðrar aðstæður hafa áhrif á raunverulegt drægni, til dæmis hitastigið utandyra, veðrið, vindur, landslag og vegaskilyrði. Rafmagn sem notað er fyrir ýmsa virkni bílsins, til dæmis stillingu hitastigs, hefur einnig áhrif á drægni. Ein leið til að auka drægni er að forstilla innanrými bílsins á meðan hann er í hleðslu svo hitastigið í farþegarýminu sé viðeigandi þegar þú sest inn í hann.

* Tölurnar eru til bráðabirgða og fengnar úr mati og útreikningum sem Volvo Cars gerði og því er ekki hægt að ábyrgjast þær. Raundrægni og rauneldsneytisnotkun við raunaðstæður fara eftir aksturslagi og öðrum ytri áhrifaþáttum. Endanleg vottun ökutækis bíður staðfestingar.

Hleðslutíminn veltur á tegund hleðslubúnaðar og rafmagni heimilisins. Hefðbundin hleðslusnúra með heimilistengi er viðbótarsnúra. Það tekur um það bil 8–76 tíma að hlaða tóma rafhlöðu upp í 100% með þessari snúru, allt eftir mörkuðum.

Fyrir reglulega og tiltölulega styttri hleðslu heima við mælum við með þriggja fasa 11 kW hleðslustöð. Með slíkum búnaði geturðu hlaðið á um það bil 7–8 klukkustundum (úr tómri rafhlöðu í 100 prósent), eða um 50–60 km drægni á klukkustund.

Athugaðu: Hleðslutími getur verið mismunandi eftir aðstæðum og getur oltið á þáttum eins og hitastigi utandyra, hitastigi rafhlöðunnar, hleðslubúnaði, ástandi rafhlöðunnar og ástandi bílsins.

Hefðbundin hleðslukapall með heimilistengi fylgir með bílnum. Fyrir tiltölulega hraðari og þægilegri hleðslu heima fyrir, mælum við með að setja upp þriggja fasa 11kW hleðslustöð.

Rafmagnskostnaður er breytilegur eftir aðstæðum á hverjum stað, en kostnaðurinn getur verið minni en kostnaður vð bensín eða dísilolíu. Minni eldsneytiskostnaður er einnig ein af mörgum ástæðum til að skipta yfir í rafbíl. Og ef þú vilt spara enn meira geturðu forstillt C40 Recharge-rafbílinn á að hlaða á tímum þegar rafmagnið kostar minnst sem er yfirleitt á nóttunni.

Þessi crossover rafbíll er fullkominn í þægilegar langferðir. Rafhlaðan tekur mikla hleðslu, sem þýðir að þú þarft engar áhyggjur að hafa af drægni. Ef þörf er á hleðslu á leiðinni geturðu gert það á hleðslustöð með riðstraumi (AC) eða hraðhleðslustöð með jafnstraumi (DC). Á 200 kW hraðhleðslustöð með jafnstraumi (DC) er hægt að hlaða rafhlöðuna úr 10 í 80 prósent á um það bil 27 mínútum (eða um það bil 80–100 km drægi á 10 mínútum) – sem passar akkúrat til að hvíla sig eða fá sér að borða á leiðinni.*

* Tölur yfir hleðslutíma eru til bráðabirgða og fengnar úr mati og útreikningum sem Volvo Cars framkvæmdi og því er ekki hægt að ábyrgjast þær. Hafðu einnig í huga að hleðslutími kann að vera breytilegur og ræðst af þáttum á borð við hitastig utandyra, hitastig rafhlöðu, hleðslubúnað, ástand rafhlöðu og ástand bíls. Endanleg vottun ökutækis bíður staðfestingar.

Fljótlegasta hleðslan er í boði á hraðhleðslustöðvum með jafnstraumi (DC). Hraðasta mögulega hleðsla næst með því að takmarka hleðslustöðu bílsins við 80 prósent. Þetta styttir hleðslutímann vegna þess að síðustu 20 prósent hleðslunnar taka lengsta tímann. Hleðsla rafhlöðunnar úr 10 í 80 prósent á 200 kW hraðhleðslustöð með jafnstraumi (DC) tekur þannig aðeins um það bil 27 mínútur.* Ef þörf krefur, t.d. til að komast á áfangastað eða næstu hleðslustöð, er aftur á móti hægt að hlaða rafhlöðuna upp í 100 prósent með því að nota stillingarnar á miðjuskjánum í bílnum.

* Tölur yfir hleðslutíma eru til bráðabirgða og fengnar úr mati og útreikningum sem Volvo Cars framkvæmdi og því er ekki hægt að ábyrgjast þær. Hafðu einnig í huga að hleðslutími kann að vera breytilegur og ræðst af þáttum á borð við hitastig utandyra, hitastig rafhlöðu, hleðslubúnað, ástand rafhlöðu og ástand bíls. Endanleg vottun ökutækis bíður staðfestingar.

Í löndum þar sem Google Map birta upplýsingar um hleðslustöðvar er hægt að finna almenningshleðslustöðvar á korti á miðskjá bílsins eða í snjallsímaforriti. Þar geturðu einnig valið kjörhleðslustöðvar og fengið leiðsögn að þeim.

Ef skipta þarf um rafhlöðu eða rafhlöðueiningar er hægt að gera það, alveg eins og með hvern annan tæknilegan hlut í bílnum.

Rafhlaðan er 500 kg að þyngd sem þarf að taka tillit til við árekstur – bæði fyrir farþega bílsins og aðra bíla. Rafhlaðan þarf einnig sérstaka vernd til að forðast skaðlegan leka eftir árekstur. Með því að nota ýmsar nýjar öryggislausnir hafa verkfræðingar Volvo Cars hannað C40 Recharge með allar þessar áskoranir í huga.

C40 Recharge rafbíllinn er með innbyggt Google Maps, Google Assistant og Google Play.

Já, Apple CarPlay er staðalbúnaður í C40 Recharge-rafbílnum.*

* Aðeins er hægt að nota Apple CarPlay með iPhone af gerð 5 eða nýrri. Apple CarPlay og iPhone eru vörumerki Apple Inc.

Já, fjögurra ára aðgangur að þjónustunni er innifalinn. Að þeim tíma liðnum er hægt að framlengja áskriftina ef þú vilt halda áfram að nota þjónustuna.

Áskriftin gildir í allt að fjögur ár. Ef um nýjan bíl er að ræða hefst áskriftin við afhendingu frá söluaðila. Áskriftin er tengd bílnum og ef hann er seldur færist hún yfir á næsta eiganda/notanda.

Já. Öll gögn eru innifalin fyrstu fjögur árin. Þetta á við um leiðsögn og raddaðstoð, sem og niðurhal og notkun á öðrum forritum (t.d. tónlistarstreymi). Eftir þann tíma er hægt að framlengja þjónustuna með áskrift.

Snjöll rafhlöðuhönnun gerir að verkum að allir farþegar hafa jafnmikið pláss og í venjulegum bíl. Þetta býður einnig upp á einstakan sveigjanleika og snjallar geymslulausnir. Farangursrýmið aftur í rúmar 413 lítra, að meðtöldu geymsluhólfinu undir gólfinu. Rafhlaðan liggur í rýminu undir gólfi farangursgeymslunnar, en á móti kemur geymslurými undir vélarhlífinni þar sem finna má pláss fyrir hleðslusnúrur og aðra hluti sem þú þarft ekki að nota oft en vilt samt hafa við höndina ef farangursgeymslan er full.

Að okkar mati áttu að geta ekið eingöngu á rafmagni án þess að þurfa að fórna fjölhæfni sem hentar daglegu lífi. Þess vegna er dráttargeta C40 Recharge Twin allt að 1800 kg.

Rafhlöðuábyrgð Volvo Cars er 8 ár eða 160.000 km, hvort heldur sem gerist fyrst, að því tilskildu að bíllinn og rafhlaðan sé viðhaldið og notuð í samræmi við ráðleggingar Volvo Cars.

Rafmótorarnir eru innsiglaðir út endingartímann og þurfa ekkert viðhald. Þannig að miðað við bensín-/dísilbíla þarfnast C40 Recharge rafbíllinn mun minna viðhalds, sem getur skilað sér í lægri rekstrarkostnaði.

Á endingartíma bíls er kolefnisspor bíls sem notar eingöngu rafmagn minna en bíls með hefðbundinni vél. Hins vegar veltur sú vegalengd sem þarf að aka rafbíl til að hann losi minna kolefni en bíll með hefðbundinni vél að miklu leyti á því hvernig rafmagnið sem notað er til að knýja bílinn er framleitt. Ef rafbíll er hlaðinn með endurnýjanlegri orku þarf eingöngu að aka 49.000 km til að ná þeim punkti, en 110.000 km ef notað er rafmagn af blönduðum uppruna samkvæmt heimsmeðaltali. Við hvetjum þig til að knýja rafbílinn þinn með rafmagni úr endurnýjanlegum orkugjöfum þegar þess er kostur.

Við leggjum mikla áherslu á gagnsæi hvað varðar kolefnisfótspor rafbílanna okkar. Lífsferilsmat C40 Recharge er að finna hér.

Hvernig get ég vitað að rafhlaðan í bílnum hafi verið framleidd á umhverfisvænan og samfélagslega ábyrgan hátt? Svar: Volvo Cars leggur áherslu á rekjanleika til að hægt sé að tryggja að eigendur Volvo-rafbíla geti ekið um í þeirri vissu að hráefni rafhlöðunnar komi frá ábyrgum uppruna. Innleiðing blockchain-tækni eykur rekjanleikann til muna í kóbaltbirgðakeðjunni okkar. Blockchain-tæknin, eftirlit á námasvæðum, GPS-rakning, aðgangsstýringar, vottaðir flutningsaðilar, andlitsgreining, notkun persónuskilríkja og tímarakning tryggja saman rekjanleika hráefna frá námu til bílaverksmiðju.

Volvo Cars vinnur náið með birgjum við að auka sjálfbærni vara sinna og þjónustu, þar á meðal með því að tryggja ábyrgar birgðakeðjur og með skilvirkri nýtingu auðlinda. Við leggjum áherslu á ábyrga vinnslu steinefna og málma og fylgjum leiðbeiningum OECD um ábyrgar birgðakeðjur steinefna frá átaka- og áhættusvæðum. Af þeim sökum krefjumst við þess af rafhlöðubirgjum okkar að þeir styðji af heilum hug við gagnsæi kóbaltbirgðakeðju okkar og leggi áherslu á fullan rekjanleika.

Sjálfbærni er lykilatriði við mat og val á birgjum. Við höfum eftirlit með núverandi birgjum og fylgjum því eftirliti eftir með úttektum frá þriðja aðila. Við krefjumst þess einnig af rafhlöðubirgjum okkar að þeir lágmarki losun koltvísýrings við framleiðslu, þar á meðal með notkun endurnýjanlegrar orku. Allir birgjar okkar hafa samþykkt siðareglur Volvo Cars fyrir samstarfsaðila, þar sem áhersla er m.a. lögð á mannréttindi, þar á meðal réttindi launafólks.