Alfa Romeo gefur vísbendingu um nýjan „crossover“ með Tonale hugmyndabílnum í Genf
Tonale hugmyndabíll Alfa Romeo sem sýndur var á dögunum í Genf gefur vísbendingu um einhverskonar „crossover“að sportjeppa sem myndi koma fyrir neðan núverandi Stelvio í framboði Alfa Romeo.
„Tonale sýnir framtíðarþróun vörumerkisins“ sagði Tim Kuniskis, forstjóri Alfa Romeo við frumsýninguna í Genf.
Að því er fram kemur af hálfu Alfa Romeo er markmið Tonale væri að skila bestu aksturshæfni í þessum stærðarflokki og kynna notkun rafmagns í drifbúnaði fyrir vörumerkið.
Hugmyndabíllinn notar nýja tækni tengitvinnbíla, en að öðru leyti gaf Alfa Romeo engar viðbótarupplýsingar um það efni. Að sögn Kuniskis er framleiðsla á bíl byggðum á Tonale lykillinn að framtíðarvöxt vörumerkisins.
Michael Manley, sem er forstjóri móðurfyrirtækis Alfa Romeo, Fiat Chrysler Automobiles, sagði blaðamönnum í Genf að framleiðslan á bílnum mun líklega hefjast á seinni hluta ársins 2020, sem mun hjálpa fyrirtækinu því Alfa Romeo þarf söluaukningu og fleiri nýja bíla að mati sérfræðinga í greininni.
Að sögn Kuniskis forstjóra Alfa Romeo, mun sala „crossover“ bíla á alþjóðlega vísu aukast í 1,4 milljónir bíla á árinu 2021, og þaraf mun Evrópa fá um 600.000 eintök af þeirri sölu.
Franska greiningarfyrirtæki Inovev spáir árlegri framleiðslu sem nemur 70.000 einingum af Tonale. Á síðasta ári smíðaði Alfa Romeo rúmlega 40.000 eintök af Stelvio að sögn fyrirtækisins.
Hugmyndabíllinn Tonale frá Alfa Romeo sem sýndur var á dögunum í Genf gefur vísbendingu um nýjan „crossover“ eða sportjeppa sem gæti komið á markað á seinni hluta árs 2020.
Aðrar umfjallanir
Mini er að undirbúa sig til að afhjúpa næstu kynslóð Mini Countryman, sem kemur með rafdrifinni aflrás...
Það er hægara sagt en gert að „taka fram úr sjálfum sér“ en það er samt mögulegt. Ekki kom það til af góðu að John Force prófaði það en gríðarleg sprenging varð í bíln hans á brautinni í Pomona í Kaliforniu. Hér er myndband af atvikinu og það sem meira er: Þetta er líka sýnt í „slow-motion“ eða hægmynd.
Subaru segir að STI E-RA Concept sé sýnishorn af umhverfisvænum akstursíþróttum og stefnir að því að ná 6 mínútum og 40 sekúndum hringtíma á Nurburgring á næsta ári...
Frá og með áramótum mun bílaumboðið Brimborg selja Opel. Mun þetta fylgja í kjölfar skipulagsbreytinga á sölukerfi Opel. Viðskiptablaðið greinir frá þessu í dag.