Aðeins meira um væntanlega rafdrifna Mercedes-Benz EQV
Nýr rafdrifinn Benz EQV gæti orðið góður valkostur betri leigubíla hér á landi.
Bæði hér á landi og í nágrannalöndunum hefur stærri og betur búnum leigubílum fjölgað mjög, og þar eru áberandi 8 manna rúmgóðir van-bílar frá Mercedes Benz, bílar á borð við V-Class og Vito. Í London þar sem gamli góði svarti London-taxinn hefur nánast verið einráður í marga áratugi, eru þessi bílar farnir að ryðja sér mjög til rúms og í síðustu tveimur heimsóknum þess sem þetta skrifar til London var þjónusta slíkra bíla notuð til jafns við gamla góða London-taxann!.
Þótt ekki sé formlega ætlað að frumsýna nýtt framlag Benz í þennan flokk bíla fyrr en í næsta mánuði, en þá verður nýr rafdrifinn EQV frumsýndur, hefur EQV þegar verið sýndur náast fullbúinn í frumgerð á bílasýningunni í Genf fyrr á þessu ári. Daimler fannst einnig ágætt að sýna fullunna bifreið á netinu og spara nokkuð af upplýsingum fyrir þýsku sýninguna í næsta mánuði.
Þessi rafdrifni Benz EQV er sagður verða með 400 kílómetra aksturssvið á einni hleðslu.
Í raun rafhlöðuútgáfa af V-Class
EQV er í grunninn rafhlöðuútgáfa af V-Class sendibílnum og deilir EQV merkinu með EQ-vörumerkjum Mercedes - eins og svart grill. Stærstu breytingarnar eru þó að finna undir yfirborðinu. Fremst á EQV, er að finna rafmótor, kælikerfi og gírskiptingu. Í stað eldsneytisgeymis er 90 kWh litíumíonrafhlaða byggð undir gólfið.
Benz EQV er hlaðinn búnaði sem aðstoðar ökumanninn við aksturinn.
Bíllinn er einnig með einnig „Eco Assistant“ sem mun uppfæra stillingar á meðan á akstri stendur til að hámarka aksturssviðið byggt á fyrirliggjandi gögnum. EQV er búinn nýjustu útgáfunni af MBUX með EV-sértækum eiginleikum og á einnig að vera með stafræna hjálparvirkni sem bregst við raddskipunum.
Benz EQV er í staðalgerð sex sæta en hægt að vera með pláss fyrir átta farþega.
Sex til átta sæta
Þrátt fyrir að staðalgerð EQV-búnaðurinn verði með sæti með sex, munu aðrar stillingar gera kleift að vera með pláss fyrir allt að átta farþega. Farþegar munu eflaust vera ánægðir með fjölda stillinga til að aðlaga sæti.
Við verðum að bíða þar til í næsta mánuði til að vita meira um þennan nýja rafdrifna Benz EQV. Ljósmyndir frá Daimler/Mercedes Benz
Við ættum að vita meira í næsta mánuði þegar EQV verður frumsýndur samhliða nýjum EQ hugmyndabíl í Frankfurt. Enn hefur ekki verið tilkynnt um hvar framleiðsla fari fram, en er líkleg á Norður-Spáni í sömu verksmiðju og smíðar núverandi V-Class og Vito.
Aðrar umfjallanir
Fyrsti bíllinn sem rúllaði af færibandinu í Solihull var kláraður um það bil tveimur dögum eftir að framleiðsla hófst...
Peugeot hefur staðfest að framleiðandinn muni setja á markað hreina rafknúna útgáfu af nýjum 308 hlaðbak á næsta ári, sem mun keppa við bíla eins og Volkswagen ID.3 og Cupra Born.
Það verða harðgerðar, mildar og stílhreinar útfærslur á tengiblendingnum RAV4 sýndar á Toky Auto Salon...
Nú hefur Lego búið til nýtt Defender sett af Defender 90