Rafknúni Megane E frá Renault verður með nýtt stafrænt mælaborð
Þessi rafbíll verður fyrsti bíll Renault byggður á nýjum CMF-EV grunni sem þróaður er með Nissan
Mælaborðskjár Megane E mun innihalda þjónustu Google Cloud. Mynd Renault.
Kynningarmyndir sem Renault sendi frá sér sýna hátækni innanhússhönnun sem er innblásin af mælaborðum sem notuð voru í Renault hugmyndabílum eins og Morphoz árið 2020.
„Þú munt sjá verulegar breytingar á innréttingum Renault sem byrja á nýjum Megane E,“ sagði hann.
De Meo sagði við kynninguna: "Þetta er fyrsta vara nýs tímabils fyrir vörumerkið. Þetta lítur vel út og keyrir frábærlega. Við erum í skýjunum með vöruna."
Megane E er með ljósströnd frá einni hlið til hinnar sem tengir afturljósin tvö. Röndin er aðskilin með endurhannaðri útgáfu af lógói Renault.
Google ský
Á skjánum verður Google Cloud þjónusta samkvæmt samningi Renault og bandaríska tæknifyrirtækisins sem tilkynnt var um í fyrra. Nýja útgáfan af Kadjar-jeppanum, sem væntanlegur er á næsta ári, mun einnig nota þjónustuna, sagði de Meo.
Vidal sýndi einnig mynd af Megane E að aftan sem sýnir notkun á ljósrönd sem tengir afturljósin tvö saman. Röndin er aðskilin með endurhönnuðu lógói Renault.
Bíllinn er hannaður til að finnast hann stór að innan, sagði Vidal. „Við unnum mikið með geymslupláss og nánast í því skyni að efla þá ranverulega upplifun af rými, sagði hann.„ Rafbílagrunnurinn mun hjálpa okkur. “
Mun keppa við VW ID4
Megane E mun keppa við bíla eins og VW ID4 og auka framboð rafbíla Renault í stærri flokki. Sem stendur selur Renault Zoe rafbílaútgáfu af litla hlaðbakinn og rafhlöðuknúna útgáfu af Twingo smábílnum sínum.
Dacia vörumerki Renault er einnig við það að hefja sölu í Evrópu á rafbílnum.
Megane E var forsýndur sem Megane eVision hugmyndabíll í október, sem de Meo sagði að væri 95 prósent af því hvernig Megane E myndi líta út. Bíllinn var með 217 hestafla rafmótor. CMF-EV grunnurinn getur verið búinn 40 kílówattstunda, 60kWh eða 87kWh rafhlöðu sem LG Chem mun framleiða. Með 60 kWh rafhlöðu er drægnin 450 km, sagði Renault.
Forstjóri Renault Luca de Meo með Megane eVision hugmyndabílinn – mynd Reuters.
CMF-EV grunnurinn er einnig notaður fyrir rafdrifna sportjeppann Nissan Ariya sem fer í sölu í Evrópu í lok ársins.
Reiknað er með að Megane E verði formlega frumsýndur á IAA, alþjóðlegu bílasýningunni í München í september, en það er í fyrsta sinn sem IAA er haldin þar, eftir áratugi í Frankfurt.
(Automotive News Europe)
Aðrar umfjallanir
Samkvæmt frétt á Bloomberg-fréttaveitunni mun framkvæmdastjórn Evrópusambandsins leitast við að hafa að minnsta kosti 30 milljónir rafknúinna ökutækja á...
Ford mun setja á markað 7 rafbíla í Evrópu, þar á meðal fullrafmagnaða útgáfu af Puma litlum crossover, mest selda fólksbílnum á svæðinu...
Honda frumsýnir nýjan jeppa, Honda Passport, á bílasýningunni í Los Angeles.
Munið þið eftir Suzuki Vitara og Daihatsu Feroza sem maður nokkur var búinn að breyta dálítið? Bílarnir voru með voða fín sérsmíðuð grill og framljós og alls konar. Í dag sýnir maðurinn okkur verkstæðið sitt og það er tjah, frumlegt? Já, er það ekki bara.