Nýtt rafmagns „rúgbrauð“?
Canoo er fyrirtæki í Bandaríkjunum sem ætlar sér stóra hluti á markaðnum. Þeir hafa kynnt nokkrar vægast sagt skemmtilegar hugmyndir og eru vongóðir varðandi framleiðsluna.
Ökutæki þessa fyrirtækis byggja á hjólabretta formuðum grunni sem hýsir rafhlöður og mótora.
Lífstílsbíllinn sem fyrirtækið vinnur að mun kosta frá 4,3 milljónum króna en sá bíll er nokkursskonar einrýmisbíll en lítur út að utan eins og „rúgbrauð“. Bílarnir verða boðnir í Delivery, Base og Premium útgáfum. Verðið er áætlað upp að 6,2 milljónum króna.
Canoo rafmagns pallbíll
Við höfum áður sagt frá Canoo pallbílnum hér á Bílabloggi. Sá bíll er byggður á sama grunni og ofangreindur og verður á svipuðu verði og „rúgbrauðið“. Allt þetta segir þó fyrirtækið að sé háð breytingum enda kalla þeir eftir forpöntunum með innáborgun sem þeir hyggjast nota til að dekka framleiðslukostnaðinn. Canoo kynnir einnig nýstárlegan sendibíl.
Reyndar er þetta áhugaverða fyrirtæki til skoðunar hjá bandaríska verðbréfaeftirlitinu. Rannsóknin er sögð eiga að varpa ljósi á samrunafyrirtækið ásamt því að skoða viðskiptamódel Canoo, tekjur og tekjustefnu. Eftirlitsaðilar taka þó skýrt fram að aðeins sé um rannsókn að ræða og alls ekki verið að fullyrða neitt með henni.
Miðað við nýstárlega og skemmtilega hönnun skulum við vona að framleiðslan eigi eftir að líta dagsins ljós.
„Rúgbrauð“
Sendibíllinn
Grein byggð á frétt Autoblog.
Aðrar umfjallanir
Þó að við sjáum ekki sportbíla í ljósum logum á íslenskum vegum þá er það víst raunin úti í hinum stóra heimi. Þar kviknar í ofursporturum furðulega oft miðað við aðra bíla en hér útskýrir klókur náungi hvaða skýringar kunna að liggja að baki.
Nýr Polestar Grand Tourer kostar um 21.443 þús. krónur...
Enyaq Coupe er önnur gerð Skoda sem byggir á MEB rafbílabílagrunni á eftir hinum hefðbundnari Enyaq.
Maðurinn sem skapaði Bond, Ian Fleming, var auðvitað með leiftrandi bíladellu og kom alls konar fínum bílum undir sitt fólk í bókunum um James Bond. Hann átti marga fína bíla sjálfur og skrifaði bók um bíl fyrir 8 ára son sinn. Þannig varð Chitty Chitty Bang Bang til.