Pútín forseti Rússlands kynnir nýjan eðalvagn
- Rússland byrjar að framleiða Aurus Senat - lúxusfólksbíl sem kostar tæpar 30 milljónir króna
- Búist er við að mjög takmarkaður fjöldi verði smíðaður
MOSKVA – Samkvæmt frétt frá fréttaveitu Reuters hafa Rússar hafið framleiðslu á Aurus Senat lúxusbifreið sem kynnt var af Vladimir Pútín forseta.
Rússland kynnti áætlanir um Aurus bílalínuna árið 2013. Pútín hjálpaði til við að kynna þessa gerð eðalvagna með því að keyra bílinn við embættistöku sína sem forseti 2018 á nýju sex ára kjörtímabili.
Takmarkaður fjöldi
Ekki er líklegt að framleiðsla fólksbifreiðar muni hafa veruleg áhrif á bílaiðnað Rússlands á næstunni. Iðnaðarráðherrann Denis Manturov sagði að 200-300 bílar yrðu framleiddir á þessu ári, segir í dagblaðinu Vedomosti.
Bíllinn, sem er álitinn virðingarverkefni fyrir Kreml, með helstu tiltækum eiginleikum mun kosta 18 milljónir rúblur (eða tæplega 30 milljónir króna).
Rússland hefur einnig verið að reyna að draga úr því að vera háðir innfluttum vörum og tækni, nokkuð sem hefur aukist eftir að stjórnvöld í Moskvu urðu fyrir refsiaðgerðum Vesturlanda árið 2014.
(Reuters – Autoblog)
Aðrar umfjallanir
Frá snjómokstri til fílaburðar og allt þar á milli; hlutverkin sem Land Rover hefur gegnt eru sennilega óteljandi en eru þau öll við hæfi? Það er nú það! Ljóst er að bílinn má nota í ýmislegt – það fer ekki á milli mála. Hér er örlítið sýnishorn.
Íslenskt sumar með tilheyrandi fuglakvaki og notalegheitum. Tveir bílar í götuspyrnu rjúfa kyrrðina eitt andartak en um leið og þeir eru farnir hefst kvakið á ný. V8 rymur, lóan syngur dirrindí og allt er eins og það á að vera: Götuspyrnan á Akureyri eins og hún gerist best.
Það er mikill munur á tvígengis- og fjórgengisvél. Það sem er sameiginlegt með þeim er að þetta eru brunahreyflar sem þurfa loft og eldsneytisblöndu...
Fullrafmagnaða útgáfan af nýjum 7 seríu fólksbíl frá BMW mun skila meira en 600 hestöflum, sagði Oliver Zipse forstjóri, og býður upp á meira afl en tengitvinnbílar, bensín- og dísilútgáfur.