Nissan Leaf 2021 uppfærður með auknum öryggisbúnaði

• Rafbíllinn Nissan Leaf hefur verið búinn nýjum viðvörunartóni sem gerir vegfarendum viðvart um nærveru bílsins

Hinn rafknúni Nissan Leaf hefur fengið uppfærslur fyrir árið 2021 með áherslu á aukið öryggi með nýju viðvörunarkerfi fyrir gangandi vegfarendur og aukalega aðstoðartækni fyrir ökumenn, að því er fram kemur á vef Auto Express.

Hljóðmerkin voru búin til af teymi hljóðfræðinga í Japan sem hljóðrás allra rafknúinna ökutækja fyrirtækisins áður en þetta var aðlagað fyrir Evrópumarkað.

Tónninn var hannaður til að veita fótgangandi svipaða hljóðviðvörun og frá hefðbundnum mótor. Hljóðið er sjálfkrafa virkjað í hraða allt að 18 km/klst og er með mismunandi í tónhæð eftir því hvort Leaf er í hröðun, að hemla eða bakka.

Best búna gerðin Tekna er með úrvals Bose hljómtæki, leður- og rúskinnsáklæði, rafrænan stöðuhemil, LED þokuljós með beygjuaðgerð og ProPILOT hálfsjálfstæðri akstursstillingu frá Nissan  – þetta eru að sjálfsögðu upplýsingar um stöðuna á markaði í Englandi og þurfa ekki að eiga við hér á landi.

Hægt að fá mynd frá myndavél í baksýnisspegilinn

Hægt er að fá skynvæddan baksýnisspegil Nissan sem aukabúnað í Tekna gerðina. Spegillinn er með LCD skjá í speglinum sem er tengdur við myndavél aftan á ökutækinu, sem þýðir að yfirsýn ökumanns er ekki skert, jafnvel þó að þeir séu með farþega í aftursætum.

(frétt á Auto Express – myndir Nissan)