BL frumsýnir sportlega jepplinginn Renault Arkana hybrid

Renault Arkana verður frumsýndur hjá BL við Sævarhöfða á morgun, 9. október milli klukkan 12 og 16. Hönnun Arkana er í senn sportleg og kraftmikil þar sem koma saman aflíðandi línur og afturhallandi baksvipurinn.

Renault undirstrikar svo sportlegt yfirbragðið með mögulegum aukahlutum á borð við stigbretti, vindskeið að aftan og aðkomuljós á undirvagni svo nokkuð sé nefnt.

Rafknúinn akstur

Arkana er búinn E-TECH; tækni sem notar bæði bensínvél og rafmótor. Tæknin hámarkar nýtingu eldsneytis og takmarkar mengun. Rafmótorinn, sem styðst við 1,2 kWh (230 V) rafhlöðu, gerir kleift að aka stutta vegalengd, allt að 5 km, eingöngu á rafmagni áður en aðalvélin kemur inn.

Þægindi

Arkana er sérlega vel búinn staðalbúnaði. Hann er t.d. með sjálfvirka aðfellanlega og upphitaða hliðarspegla, sjálfvirka stillingu aðalljósa, regnskynjara á rúðuþurrkum og mismunandi akstursstillingum við 7 gíra sjálfskiptinguna.

Þá er bíllinn einnig búinn easy link-margmiðlunarkerfi sem tengist snjallsímanum sem stjórnað er á stórum margmiðlunarskjá svo fátt eitt sé nefnt.

Öryggi

Öryggisins vegna er Renault Arkana búinn ýmsum aðstoðarkerfum fyrir þjóðvegi og umferðarteppur, umferðarskynjara og tækni sem ber kennsl á gangandi og hjólandi vegfarendur í nálægð við bílinn.

Verð Arkana Intens og RS line

Renault Arkana er fáanlegur í tveimur útfærslum; Intens og RS line. Báðar eru þær með 1,6 lítra 143 hestafla bensínvél og rafmótor við sjö gíra sjálfskiptingu.

Umfram Intens er RS line m.a. búinn 18“ sérhönnuðum álfelgum, svörtu glerþaki, rafdrifnum framsætum og leðri, Bose hljóðkerfi og 360°myndavél. Allar nánari upplýsingar um eiginleika og ríkulegan staðalbúnað Renault Arkana, Intens og RS line eru að finna á Renault.is.