Nei, ekki er nú ætlunin að fjalla hér um rafrettur, enda lítið spennandi þó „raf“ eitthvað séu. Corvettur eru hins vegar og hafa alltaf verið mjög spennandi. Einkum núna þegar Chevrolet virðist ætla að koma með raf- eða tvinnútgáfu þessa vinsæla bíls.
Það er margt að frétta af Corvettum. Vettufréttaveitur dæla út fregnum, flestum góðum þó að dapurlegt hafi verið þegar splunkunýjar Corvettur brunnu á bílaflutningabíl í síðustu viku, eins og greint var frá hér.
Á prófunarsvæði GM í nágrenni Nürburg í Þýskalandi „spæjaði“ bíla„spæjari“ það sem hann telur vera frumgerðina af Corvette E-RAY hybrid. Ekki spillir fyrir að í samfloti voru Z06 sem verið var að prófa, eins og sjá má og HEYRA í þessu fallega myndbandi sem er hér fyrir neðan.
Sé það rétt hjá spæjaranum að þetta sé E-RAY (varast ber að rugla því saman við Ebay) þá gæti bíllinn verið á bilinu 600 til 650 hestöfl, ef í bílnum er 6.2 lítra V8 vélin sem er í hefðbundinni C8 Vettu og ofan á það bætist rafmótor. En hvað veit maður! Þetta eru bara getgátur en alltaf má ganga út frá því að Corvetta verði öflug.
Það er auðvitað ekki alveg rétt að kalla hana rafVettu þó þetta sé tvinnbíll (hybrid) en stundum er bara í lagi að sprella smá. Sérstaklega ef það er þriðjudagur og rigning.
Myndbandið, gjörið svo vel:
Aðrar umfjallanir
Byltingarkenndir tímar! Árið er 1960 og breskur sjónvarpsþulur greinir frá mögnuðum staðreyndum úr samtímanum: Konur standast ökupróf, Ford hefur ráðið konur til að aka nýjum bílum úr verksmiðjunni til viðskiptavina. Konur aka jafnvel lögreglubílum. Hér er algjörlega frábær mynd dregin upp af kvenbílstjórum í Englandi árið 1960.https://www.youtube.com/watch?v=HXF2nrkmOEI
Umferðaröngþveiti skapaðist þegar fjöldi gangandi vegfarenda og ökumanna góndi upp í loft eins og „dáleiddar hænur“. Umferðin var stopp á meðan bandarísk flugsveit lék listir yfir Reykjavíkurflugvelli.
BMW vonast til að ná til fleiri kaupenda með þriðju kynslóð af BMW 1 „hatchback“ þegar bíllinn kemur í sölu í Evrópu í september. Hin nýja gerð kemur með stærra innanrými og stærra farangursrými en núverandi kynslóð.
Tryggð við vörumerki er vissulega mikilvæg, en ef fyrirtæki getur ekki fengið nýja viðskiptavini er það áhyggjuefni...