Lífgjafinn Kia EV6 birtist áhorfendum stærsta sjónvarpsviðburðar Bandaríkjanna, þ.e. Super Bowl, þarnæstu helgi. Þessi magnaði bíll ætlar að töfra áhorfendur upp úr sófum, sokkum og skóm með því að bjarga lífi hunds.
Það er ekki á hverjum degi sem bíll bjargar hundi en þegar Kia EV6 og Super Bowl eru annars vegar geta greinilega ótrúlegustu hlutir gerst.
Það þykir mjög eftirsóknarvert að auglýsa í útsendingu Super Bowl (þ.e. úrslitaleikurinn í ruðningi), enda talið að í Bandaríkjunum séu áhorfendur yfir 100 milljónir talsins. Fyrir vikið eru þetta dýrustu auglýsingarnar og mikið í þær lagt.
Úrslitaleikurinn sjálfur er um það bil þrjár klukkustundir en auglýsingahléið um hálftími að lengd. Það þykir hvorki minna né ómerkilegra sport að horfa á auglýsingarnar en leikinn sjálfan.
Kia birti í gærkvöld EV6 auglýsingu sem mun fanga athygli áhorfenda þann 13. febrúar nk. Óþarft er að hafa fleiri orð um þá auglýsingu því hér er hún:
Aðrar umfjallanir
Brimborg býður nú alla nýja Peugeot bíla með víðtækri 7 ára ábyrgð auk 8 ára ábyrgðar á drifrafhlöðu rafbíla...
Það er ekki á hverjum degi sem Luke Skywalker sér um lúguafgreiðsluna hjá Jack in the Box en þannig var það nú samt fyrir stuttu síðan. Leikarinn Mark Hamill var nefnilega rekinn úr þessu starfi fyrir margt löngu því hann átti það til að bregða á leik og fíflast í vinnunni.