Í júnímánuði árið 1985 átti að keppa í annað skipti á brautinni í Spa (Circuit de Spa-Francorchamps) í Formúlu 1. Nokkru eftir fyrstu keppnina þar, árið 1983, var farið í að leggja millilag á brautina til að bæta veggripið í rigningu. Það fór öðruvísi en búist var við.
Ófyrirséð leiðindi og tafir
Lá fyrir að verkinu þyrfti að vera lokið 60 dögum fyrir notkun brautarinnar. Skrifræði og mennskir pappakassar töfðu framkvæmdina víst nokkuð, sem og feitur skammtur af skítaveðri veturinn 1984-1985.
Ekið á tyggjói
Þegar heitt er í veðri, götutætandi ofurtryllibílar og breið, slétt dekk „koma saman“ reynir gríðarlega á undirlagið, þ.e. brautina. Strax á föstudeginum eftir æfingar ökumanna var brautin orðin verulega löskuð.
Eftir 25 mínútna akstur á laugardeginum var eins og kviknaði á einhverjum perum hjá keppnisstjórn og allur akstur á brautinni stöðvaður. Jæja, yfirborð brautarinnar var tekið að flettast upp og jafnvel bráðna eins og tyggjó.
Fyrir hönd keppenda tilkynnti Niki Lauda fjölmiðlum að keppninni yrði frestað. Belgíska akstursíþróttasambandið þurfti að greiða stóra sekt og keppnin var loks haldin í september sama ár. Það var hrikaleg keppni en meira um hana síðar.
Hér er örstutt myndband um ólukkans brautarmálið:
Aðrar spes:
Aðrar umfjallanir
Í gær skemmdust tugir bíla í Alberta í Kanada þegar árás var gerð af himnum ofan. Haglél er eitt en tennisboltar eru annað. Eða hvað? Í þetta skiptið virtist þetta eitt og hið sama og afleiðingarnar eftir himnasendinguna eftir því! Eigum við nokkuð að kvarta yfir veðrinu?
Næsti Nissan Qashqai verður búinn ýmsum skilvirkum tvinnrænum aflrásum - og japanska vörumerkið hefur kynnt sumar tækniupplýsingar...
Afl véla þar með talið rafmótora er oft skráð sem kW eða kílóvött en sumum finnst betra að hafa þetta í hestöflum og þá er hægt að leika sér að því að breyta þessum...
Land Rover mun setja á markað sex gerðir hreinna rafmagnsbíla á næstu fimm árum sem hluti af viðamikilli endurskoðun á heildarstarfsemi Jaguar Land Rover...