Næsta flaggskip fyrir Stellantis vörumerkið verður fullrafmagnaður sportjeppi sem væntanlegur er fyrir árið 2027, sagði forstjórinn Jean-Philippe Imparato.

Mun keppa við bíla á borð við BMW X5

Hann mun keppa við X5 frá BMW, vörumerkinu sem Alfa Romeo hefur sett sér sem viðmið, sagði Imparato við Automotive News Europe í viðtali í febrúar. Það voru 46.238 BMW X5 seldir í Evrópu árið 2021, samkvæmt Dataforce.

Alfa Romeo verður ekki vörumerki eingöngu fyrir jeppa eins og Jeep, sagði Imparato. „Við erum ekki að yfirgefa Giulia“ meðalstóra fólksbifreið, sagði hann. „Það verður Giulia í framtíðinni og hún verður eingöngu rafmódel.“

Imparato sagði í Automotive News Europe viðtalinu í febrúar að stór gerð væri líklegasta viðbótin við úrvalið, á meðan Giulietta væri ekki í forgangsröðinni.

Fara aftur í 100.000 sölu á heimsvísu

Eftir að hafa orðið hluti af Stellantis við samruna PSA Group og Fiat Chrysler Automobiles, var Alfa Romeo loks „í plús“ árið 2021 undir stjórn Imparato eftir áratuga  taprekstur.

Á síðasta ári seldi Alfa Romeo 56.000 eintök á heimsvísu, aðallega Giulia og Stelvio. Evrópa var með 28.000 einingar (18.334 Stelvio, 6.479 Giulia og 3.037 Giulietta, samkvæmt tölum frá Dataforce), og Bandaríkin með 18.250 (10.539 Stelvio og 7.634 Giulia, samkvæmt tölum frá Automotive News Data Center).

Geta smíðað 23 Tonale-bíla á klukkustund

Tonale fór í framleiðslu í mars, í verksmiðju með afkastagetu upp á 23 einingar á klukkustund, sem bendir til framleiðslugetu upp á 40.000 til 80.000 einingar á ári. Imparato sagði í febrúar að alþjóðleg sala á Tonale gæti verið á bilinu 70.000 til 80.000 eintök. Evrópa gæti staðið undir sölu á 45.000 til 60.000 einingum, með 10.000 til 15.000 sölur mögulegar í Bandaríkjunum.

(Automotive News Europe)