Framleiðandi London-Taxi leigubílanna bætir við söluumboðum í Þýskalandi
Rafbílafyrirtækið London Electric Vehicle Co., framleiðandi leigubifreiða í Bretlandi, sem er í eigu kínverska bílaframleiðandans Zhejiang Geely Holding, hefur sett upp söluumboð í tveimur helstu þýskum borgunum til að stækka dreifikerfi sitt í Evrópu.
Koch Gruppe Automobile í Berlín og AMC Kruell í Hamborg munu veita sölu og eftir sölu þjónustu fyrir leigubíla breska fyrirtækisins.
Fyrsta rafknúna ökutækið sem þýsku söluumboðin tvö hafa markaðssett og munu þjónusta verður TX Shuttle, sem er leigubíll sem byggður er á „gamla góða svarta leigubílnum frá breska fyrirtækinu (LEVC). Í kjölfar hans mun svo mun fylgja VN5, léttur sendibíll, vorið 2021.
LEVC hefur samið við þrjá söluaðila í Þýskalandi.
Sá fyrsti, Autohaus Markötter Bielefeld, í norðvestur Þýskalandi, kom til leiks í júlí til að styðja viðskiptavini í Ostwestfalen-Lippe svæðinu, sagði framleiðandinn.
Með fjárfestingu Geely hefur framleiðandinn, sem framleiðir ökutæki í Coventry á Englandi, hafið sölu í Þýskalandi, Frakklandi, Sviss, Danmörku, Malasíu og Japan.
Áhersla á þróun rafbíla
Gert er ráð fyrir að fyrirtækið, sem er með áherslu á þróun rafbíla, muni miða að frekari útflutningi.
Árið 2022 stefnir LEVC að því að flytja út 60 prósent ökutækja sem smíðuð eru í verksmiðjunni í Coventry, en hin 40 prósentin verða seld í Bretlandi.
Árið 2024 stefnir fyrirtækið að því að vera með flota leigubíla og rafbíla sem munu vera í helstu borgum um allan heim, að sögn Geely.
(frétt á Automotive News Europe)
Aðrar umfjallanir
Áður en akreinarviðvörunarkerfi, blindblettavöktun og bakkmyndavélar voru til, var bílaheimurinn með eina mikilvægustu öryggistækni sem fundin hefur verið upp - bremsuljós. Þó að bremsuljós séu á öllum bílum í dag, var það ekki alltaf svo. Reyndar er saga bremsuljósa áhugaverð.
Aukið framleiðslumagn á heimsvísu þrátt fyrir skort á íhlutum hefur leitt til þess að Toyota eru aftur efstir...
Hekla verður 90 ára á næsta ári og 70 ára afmæli umboðs Volkswagen á Íslandi eftir nokkra daga
Við hjá Bílabloggi heimsóttum samgöngusafnið að Stóragerði í Skagafirði fyrir skömmu. Þar hittum við fyrir staðarhaldara og spurðum þá nokkurra...