Polestar 2 fær uppfærða Euro NCAP einkunn fyrir ökumannsaðstoð
Polestar 2 hefur hlotið einkunnina „Góður“ í nýjustu prófunum á ökumannsaðstoð af Euro NCAP, einni af leiðandi öryggisprófunarstofnunum heims.
Einkunn Euro NCAP á ökumannsaðstoð er tiltölulega nýtt og sjálfstætt frumkvæði frá stofnuninni sem hóf að meta virkni ökumannsaðstoðar árið 2020. Í fyrsta prófi sínu á ökumannsaðstoð síðla árs 2021 fékk Polestar 2 einkunnina „Í meðallagi“ og aðeins vantaði örlítið upp á að bíllinn fengi þá einkunnina „Góður“.
Einkunn ökumannsaðstoðar Polestar 2 var endurbætt í kjölfar netuppfærslu (OTA) hugbúnaðar sem leysti nokkur minniháttar mál sem stofnunin vakti athygli á þegar ökumannsaðstoðin var upphaflega prófuð.
„Að hafa öryggisgen frá systurfyrirtækinu Volvo Cars í bílum okkar er mikill ávinningur fyrir Polestar og í raun hafði öryggisteymið þegar komið auga á tækifæri til að bæta virkni ökumannsaðstoðarkerfis okkar þegar upprunalega einkunnin var gefin árið 2021,“ segir Thomas Ingenlath, forstjóri Polestar.
„Það var fyrir tilviljun að hugbúnaðaruppfærslan P1.8 var á leiðinni í bíla viðskiptavina innan við viku frá niðurstöðum prófunar Euro NCAP. Getan til að bæta bílinn stöðugt, sérstaklega þegar um öryggiseiginleika er að ræða, er lykilávinningur af tengi- og netuppfærslugetu Polestar 2.“
(fréttatilkynning frá Polestar/Brimborg)
Aðrar umfjallanir
Hinn magnaði karakter Günther Steiner, liðsstjóri Haas-liðsins í Formúlu 1, er búinn að átta sig á hvað brautin í Jeddah minnti hann á.
Polestar - systurfyrirtæki Volvo á sviði framleiðslu rafbíla, í eigu kínverska fyrirtækisins Geely - hefur leitt í ljós hina sönnu losun útblástur koltvísýrings (CO2) Polestar 2 rafbílsins og kallaði eftir upplýsingum...
„Við viljum öll valkosti þegar kemur að því að velja næsta bíl, hvort sem það er ódýr notaður bíll eða fólksbíll með nýjustu hátækni. Og samt eru margir sem hafa...
MÍLANÓ - Fiat Chrysler Automobiles munu setja á markað þrjár nýjar gerðir sportjeppa fyrir Fiat, Alfa Romeo og Maserati vörumerkin á þessu ári...