Muna lesendur eftir því úr ökunáminu þegar bakka átti í stæði? Nei, það er kannski ekkert til að muna sérstaklega eftir. Nema maður hafi gert það á svo stórbrotinn hátt að heimurinn frétti af því.
Af einhverjum ástæðum voru hjón á sjötugsaldri aftur í bílnum. Kannski afinn og amman að fylgjast með barnabarninu í ökutíma. Auðvitað gat þau ekki grunað að þetta væri næstum síðasta bílferðin þeirra. En nú er ég farin fram úr sjálfri sögunni. Afsakið öll!
Ökukennarinn sagði nemandanum til, þar sem hann [nemandinn] reyndi að mjaka bílnum sómasamlega inn í stæði. Þá gerðist það: Gangstéttarbrúnin einfaldlega gaf sig.
![image](https://img.bilaskra.is/images/1653028806_2612180575630360015_6654711509260224.jpg)
Ljósmynd/twitter@mcfrs [Montgomery County Fire and Rescue]
Bíllinn húrraði gegnum girðingu, niður grasi gróna brekku og beinustu leið ofan í almenningssundlaugina í North Creek í Maryland. Ökukennslan varð skyndilega að sundkennslu, því fólkið þurfti auðvitað að koma sér út úr bílnum sem lenti í lauginni miðri.
![image](https://img.bilaskra.is/images/1653028808_1291225190213048996_6654712890282531.jpg)
Ljósmynd/twitter@mcfrs [Montgomery County Fire and Rescue]
Skemmst er frá því að segja að sýnilegir áverkar voru litlir sem engir á blessuðu fólkinu; þessum fjórum hræðum sem enduðu í lauginni. En mögulega var einhver með laskaða sjálfsmynd eftir þetta. Hvað veit maður? Nú eru liðin rúm þrjú ár frá atvikinu og vonum bara að sárin hafi náð að gróa.
Magnaðar sögur sem tengjast ökukennslu:
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1646894406_8888385569279958308_520311035105101.jpg)
Heimsmetin eiga hug manns allan þessa dagana. Þá daga sem maður slær þau ekki sjálfur er gott að skoða heimsmet annarra. Í gær var það lengsti bíll í heimi, sem sló eigið met, en í dag eru það önnur bílatengd met og jafnvel heimsmet.
![](https://img.bilaskra.is/images/1673124007_1713842464803858543_26749911991565492.jpg)
Ram ætlar að sækja fram á rafbílamarkaðnum fyrir pallbíla með eiginleikum eins og sjálfvirku hleðslutæki...
![](https://img.bilaskra.is/images/1668458405_7129441082904817480_22084310450151629.jpg)
Evrópska AutoBest dómnefndin valdi enga rafbíla í úrslitin
![](https://img.bilaskra.is/images/1622011205_5823813066355668334_4751469091064471.jpg)
Sunnudagseftirmiðdag nokkurn brugðum við mæðgin okkur í bíltúr. Þetta var haustið 2013 og var ætlunin að heilsa upp á fuglana í fjörunni við Eyrarbakka.