Fornbílaklúbbur Íslands fagnar 45 ára afmæli

Fornbílaklúbbur Íslands opnaði nýtt félagsheimili á 45 ára afmæli klúbbsins fimmtudaginn 20. maí.

Við hjá Bílabloggi kíktum á staðinn þar sem var margt um manninn en margir höfðu einmitt komið á sparibílnum í afmælið.

Þetta nýja félagsheimili við Ögurhvarf 2 í Kópavogi er hið glæsilegasta í alla staði og hentar án efa vel fyrir starfsemi klúbbsins í náinni framtíð.

Þarna er hægt að taka á móti ansi stórum hópi manna og kvenna í sæti og upp hafa verið settar skemmtilegar myndir sem fanga huga gesta og gangandi.

Skemmtilegar ljósmyndir frá fyrri tímum á veggjum félagsheimlisins.

Að sjálfsögðu voru nokkri kjörgripir á svæðinu og má þar nefna 1978 árgerð af Honda Accord Coupé og Citroen Bragga. Ekki síst fangaði athyglina gamall Ford herjeppi sem var í fullum skrúða í anddyrinu.

Á meðal þeirra voru félagar frá Fornbílafjelagi Borgarfjarðar, Bifreiðaklúbbs Suðurlands og Cadillac klúbbsins. Örn Sigurðsson bílasérfræðingur gaf klúbbnum áritað eintak af nýjustu bók sinni.

Ljóst er að gestir skiptu hundruðum, við höfum ekki nákvæma tölu en 40 lítrar af kaffi fóru ásamt 300 kökusneiðum.

1978  Honda Accord, Hondamatic. 1600 rms. vél.

Þessi tók á móti gestum í anddyri nýja félagsheimilis Fornbílaklúbbs Íslands. 1942 Ford Jeep GPW, 4 strokka L134.

Við reynsluökum bílum, tökum viðtöl, skrifum greinar og fjöllum um bíla á óhlutdrægan hátt. Umferð, öryggi, vegir, tryggingamál og allt annað sem tengist bílum og umferð. www.bilablogg.is

Aðrar umfjallanir

Hversu flinkir eru Formúlubílstjórarnir að bakka?

Þeir eru flinkir ökumenn, en geta þeir keppt í „bakkakstri“? Það er að segja ekið aftur á bak? Hér má sjá þá Max Verstappen og Yuki Tsunoda í Zandvoort þar sem sem þeir aka DAF Variomatic en bílarnir komast upp í allt að 120 km/klst aftur á bak.

Engin viðbrögð? Bíll rennur út í á

Sjái maður bíl renna yfir götu og alla leið út í straumþunga á ættu fyrstu viðbrögðin ekki að vera: „Vonandi gerir einhver eitthvað.“ Því miður er almenna afskiptaleysið það sem kemur í veg fyrir að fólk rjúki til og hjálpi náunganum. Í þessu tilviki er reyndar enginn „náungi“ í bílnum en það getur maður ekki vitað án þess að kanna málið!

Fyrsta V8 Teslan í umferðinni

Það er eitthvað undarlegt við þessa fyrirsögn, er það ekki? Jú, hún í raun þversögn. En samt sönn.

Eistunum tókst það

Eistum ber sannarlega að hrósa: Þeim tókst að búa til fyndinn og fallegan rafbíl. Bíl sem fær fólk til að brosa. Ekki af því að bíllinn sé eitthvað asnalegur – heldur vegna þess að hann virkar skemmtilegur og vekur kátínu. Lítum nánar á gripinn.