Bretar komnir með delluna
Nú eru Bretar orðnir verulega róttækir í öllu því sem viðkemur „Monster Trucks“. Um síðustu helgi var mikið húllumhæ á UK Monster Truck Nationals sem fram fór í Northamptonskíri og er sá viðburður orðinn svo vinsæll að svartamarkaðsbrask er í kringum miðasölu og ýmislegt reynt til að komast nær trukkunum.
Tebolli, kexkökur og Monster Truck!
Hér vantar eitthvað. Monster Truck stússið verður seint að ensku sporti eins og krikket en það er ljóst að hlunkatrukkar eiga vel upp á pallborðið þar ytra og eru þeir góð viðbót við krikket, te og golf, svo eitthvað sé nefnt. Mynd/Unsplash
Fenjaferlíkið og Loch Ness skrýmslið
Tony Dixon tók þetta „með trukki“ í orðsins fyllstu merkingu og keypti bílinn Swamp Thing frá Bandaríkjunum. Tony karlinn fékk delluna þegar hann var átta ára gamall og nú, 20 árum síðar og rosalega mörgum seðlum síðar er hann stoltur eigandi yfir 2000 hestafla maskínu. Maskínu sem er fjórar sekúndur frá 0 upp í 100 kílómetra hraða og er prýðisgóð til að stökkva yfir bíla, flugvélar, hjólhýsi og tjah, bara það sem má stökkva yfir.
Ólíkt Loch Ness skrýmslinu, eða Nessie eins og ormurinn sá langi er kallaður, þarf ekki að leita að Swamp Thing því það fer ekki framhjá neinum þegar þetta hlass er á ferðinni. Mynd/Unsplash
Það er ekki eins og „fenjaskepnan“ eða Swamp Thing sé eins og sá bíll var í Bandaríkjunum. Nei, aldeilis ekki. Það er nokkur munur:
Swamp Thing þegar hann var lítill, árið 2003. Mynd/MonstertruckWiki
Nú er hann orðinn stór. Svo stór reyndar að hann telst með þeim stærstu. Mynd/Swampthing4x4.co.uk
Tony er búinn að verja rúmlega 40 milljónum króna í að breyta bílnum og þó að hver bíltúr hrifsi allar fyllingar úr tannviðgerðum í skoltinum á karli þá er hann hrikalega ánægður með að eiga heiðurinn að því sem er orðið meira skrýmsli en sjálf Nessie, þ.e. Loch Ness skrýmslið.
Bíllinn er rúmlega þrír og hálfur metri á hæðina og á slíku tæki má stökkva hátt. Enda stökk Tony voðalega á ferlíkinu um helgina eða 12.8 metra upp í loft!
Annað skrýmslatengt:
Aðrar umfjallanir
Árið 1957 fengu embættismenn í Tulsa í Oklahoma mjög sérstaka hugmynd. Þetta var á fimmtíu ára afmæli Oklahoma og var hugmyndin sú að grafa niður splunkunýjan bíl, Plymouth Belvedere, og varðveita hann neðanjarðar í hálfa öld. Árið 2007 skyldi hann koma upp á yfirborðið - eins og nýr!
Til að komast til Stehekin Washington þarf að notast við bát eða sjóflugvél. Öðruvísi kemst fólk ekki svo glatt á staðinn. Stað sem þykir með eindæmum fagur og er auglýstur sem „bíllaus“ enda liggur enginn vegur til staðarins.
Nýjar myndir gefa fyrstu sýn á glænýjan rafbíl Ford sem er í prófun og verður kynntur innan skamms...
Hugvitsamlega hönnuð tæki geta létt lífið með ýmsum hætti. En ég veit ekki alveg hversu snjallir ruslabílar með „griparma“ eru þegar þeir fálma út í loftið og gera gloríur eins og þessi hér.