Bílaskúlptúrar: Listaverk eða skemmdarverk?
Flest höfum við heyrt um Stonehenge, hið forna mannvirki á Englandi. En svo er það Carhenge. Kannast einhver við það? Eða Cadillac búgarðinn? Trans Am tótemsúluna? Þetta eru bílaskúlptúrar sem mismikla gleði vekja.
Hér eru nokkrir skúlptúrar og gaman væri að vita hvort lesendur hafa séð einhverja þeirra og hvort þeir hafi skoðanir á þessu öllu saman!
Berwyn bílaspjótið (Berwyn í Illinois)
Mynd/Wikipedia
Þetta var fimmtán metra hátt spjót og á því voru átta bílar. Spjótið, atgeirinn eða hvað við viljum nú kalla þetta var á bílastæðinu við Cermak Plaza verslunamiðstöðina í Berwin í Illinois. Þar fékk það að vera í tæp tuttugu ár, eða frá 1989 til 2008.
Á spjótinu voru: VW bjalla (1967), BMW 2002 (1976), Ford Escort (1981), Mercury Capri (1973/1974), Ford Mustang (1978), Pontiac Grand Prix (1981), Ford LTD (1979/1980) og Mercury Grand Marquis (1979/1981).
Hér má lesa um skúlptúrinn.
Cadillac Ranch (Amarillo í Texas)
Þessi skúlptúr samanstendur af tíu bílum af gerðinni Cadillac og eru þeir frá árunum 1949 til 1963. Hópur listamanna sem nefndist Ant Farm bjó þetta til árið 1974 og hér má fræðast um hópinn.
Mynd frá Cadillac Ranch, tekin árið 2021: Wikimedia/좀비 브렌다
Forsíðumyndin er líka frá Cadillac Ranch og er hún tekin 2008: Wikimedia/Richie Diesterheft
Carhenge (Alliance í Nebraska)
Þetta þykir mér nú alveg stórskemmtilegt! Carhenge er eftirlíking af hinu magnaða forna mannvirki sem Stonhenge er. Það er á Englandi en Carhenge er í Nebraska.
Carhenge varð fyrst til í kolli manns að nafni Jim Reinders þegar hann bjó á Englandi. Á sumarsólstöðum 1987 var verkið vígt í Nebraska og hafa fleiri bílalistaverk litið dagsins ljós á svæðinu sem nú er þekkt sem Car Art Reserve.
Carhenge: Wikipedia/Brian W. Schaller
Nánar um Carhenge hér.
International Car Forest Of The Last Church (í Nebraska)
Þeir Mark Rippie og Chad Sorg eru karlarnir á bak við þennan listgjörning. Ekki veit ég hvað á að segja um þetta en myndirnar eru litríkar.
Myndir/Travel Nevada.com
Myndir/Travel Nevada.com
Myndir/Travel Nevada.com
Meira um bílafrumskóginn hér.
Trans Am tótemsúlan (Vancouver í Kanada)
Myndir/Wikipedia
Listaverkið er tíu metra hátt og rúmlega 11 tonna þungt. Bílarnir sex hvíla á sedrusviðarbút úr 150 ára gömlu tré. Bílarnir eru Pontiac Trans Am, BMW 7 (E38), Honda Civic (fimmta kynslóðin), Volkswagen Golf Mk1 Cabriolet og síðast en ekki síst styttur Mercedes-Benz W201 sem er með grill framan af Volkswagen Golf Mk3.
Verkið er frá árinu 2015 en í fyrra (2021) var það tekið í sundur og það þrifið hátt og lágt en fuglar hafa víst einstaka unun af því að drita á Trans Am tótemsúluna.
Hreingerningardagur!
Meira um listaverkið hér.
Aðrar umfjallanir
Það eru nokkur atriði sem er eiginlega bara bannað að segja við bifvélavirkja. Eða það mælist öllu heldur ekki vel fyrir. Og sömuleiðis eru atriði sem gætu a) farið mjög í taugarnar á þeim eða b) glatt þá. Ekki það að bifvélavirkjar séu eitthvað oftar pirraðir en annað fólk. En förum aðeins yfir þetta.
Núna er svartasta skammdegið komið og allir sem eru á ferð í umferðinni þurfa að gera allt sem þeir geta til að vera sýnilegir...
Það er útlit fyrir að um þrjár milljónir manna séu ekki á þeirri skoðun að Tesla Cybertruck sé ógeðslega ljótt ökutæki. Í það minnsta er því haldið fram að búið sé að panta yfir þrjár milljónir af þessum sérstaka pallbíl sem á að fara í fjöldaframleiðslu árið 2023.
Heimildarmyndin um Michael Schumacher hefur heldur betur fengið hörðustu jálka til að fella tár og hjólreiðakappa til að vilja leggja reiðhjólinu og setjast upp í formúlubíl.