Renault og Geely að setja á markað fyrsta sameiginlega bílinn
Tvinnbíllinn verður smíðaður á „Compact Modular Architecture“ grunni Volvo, sem er undirstaða Volvo XC40 og Lynk & CO 01.
Samvinna evrópskra bílaframleiðenda og framleiðenda í Asíu fer vaxandi, enda beggja hagur, fá evrópska hönnun til Asíu og bíla smíðaða í verksmiðjum þar til Evrópu. Nýjasta viðbótin er smíði á bíl í Suður-Kóreu í verksmiðjum Renault, en Geely, sem er bakhjarlinn að smíði til dæmis Polestar, keypti fyrr á þessu ári einn þriðja hlut í Renault Korea Motors, sem er með verksmiðjur í Busan í Suður-Kóreu. Geely á til dæmis Volvo Cars og 9,7% hlut í Daimler AG.
Fyrsta framleiðslubíllinn frá samstarfi Renault Group við Zhejiang Geely Holding Group í Suður-Kóreu mun koma á markað árið 2024 sem meðalstærðar tvinnbíll með „fastback“ útliti.
Renault birti skuggamynd af bílnum sem ekki var auðkennd með nafni. Hann verður smíðaður í verksmiðju Renault Korea Motors í Busan, fyrir Suður-Kóreu og útflutningsmarkaði.
Geely hybrid jepplingur 2022 frá Renault Korea Motors – sem hér sést í skuggamynd Renault af tvinn crossover sem fyrirtækið er að þróa með Geely í hraðbakstíl.
Forstjóri Renault, Luca de Meo, sagði á blaðamannafundi á þriðjudag að Busan verksmiðjan yrði „útflutningsmiðstöð fyrir meðalstóra bíla okkar,“ að sögn dagblaðsins Korea Joongang Daily.
De Meo var í Asíu til að ræða við Nissan um áætlanir um að koma á jafnvægi í vandræðabandalagi bílaframleiðenda.
Renault Arkana crossover er smíðaður í Busan til útflutnings til Evrópu.
Renault gekk til samstarfs við Geely í janúar. Samningurinn snýst um framleiðslu í Busan verksmiðjunni, en Geely ætlar að taka þátt í komandi fyrirtæki Renault í framleiðslu brunahreyfla.
Fyrirtækin tvö munu einnig eiga samstarf í Kína, eftir að Renault hætti þar aðalsamstarfi sínu við Dongfeng.
Busan verksmiðjan smíðar nú Renault Arkana crossover til útflutnings til Evrópu og hefur áður smíðað Nissan Rogue fyrir Norður-Ameríku. Þessi verksmiðja hefur ársgetu til smíða á 300.000 bílum.
(frétt á vef Automotive News Europe)
Aðrar umfjallanir
Ford Mustang Mach-E rafbíllinn er kominn til landsins og verður á Bíladögum á Akureyri dagana 17.-19. júní og til sýnis og reynsluaksturs...
Hugmyndabíllinn er knúin áfram af tveimur rafmótorum til að gefa 302 hestöfl.
Fæst okkar geta nefnt fyrsta bílinn sem fyrir augu okkar bar. Það var hins vegar eflaust öllu minna mál fyrir fólk sem fætt var í kringum aldamótin 1900.
Autovia EV-21 sameinar helstu kosti rafbíla og sýnir hve fullkomnir rafbílarnir eru orðnir nú þegar.