Rokk og ról á Árbæjarsafni
Árbæjarsafnið sló til rokk og ról hátíðar síðastliðinn sunnudag með yfirbragði sjötta og sjöunda áratugar síðustu aldar. Spiluð var tónlist frá þeim tíma og bílar frá félögum í Fornbílaklúbbi Íslands glöddu gesti safnsins sem voru óvenju margir. Það er greinilega mikill áhugi á sýningum sem þessum, enda eru þessir horfnu áratugir skemmtilegir að margra mati. Fornbílar frá þessum tíma voru í miklu aðalhlutverki, þó aðrir bílar væru einnig til sýnis og prýddu grasvelli safnsins.
Meðfylgjandi myndir tala sínu máli.
![image](https://img.bilaskra.is/images/1612440269_1585429937796605736_1691492578000.jpg)
Það voru nokkrir eðalfornbílar samankomnir á torginu. Talið frá hægri: Buick Special ´56, tveir Ford Galaxie frá 1962 og fyrir aftan þá Mercedes-Benz 180 árgerð 1959. Lengst til vinstri sést í baksvipinn á Chevrolet Bel Air ´54.
![image](https://img.bilaskra.is/images/1612440270_3983307065355910388_1692734424000.jpg)
Hinn kraftmikli Plymouth Belvedere ´67 lét sig ekki vanta og bakvið hann sést í Buick ´63.
![image](https://img.bilaskra.is/images/1612440271_3264464622996402058_1693938784000.jpg)
Þessir tveir fremstu passa vel við anda sýningarinnar. Hér má sjá stórglæsilegan Dodge Custom Royal ´58 til hægri og við hlið hans Ford Fairlane ´59. Bakvið þá er Volvo 142 árgerð 1972 sem eigandinn keypti á ferðalagi sínu um Svíþjóð fyrir rúmum áratug.
![image](https://img.bilaskra.is/images/1612440273_5469099401802618723_1695176963000.jpg)
Hér er fólk að virða fyrir sér grænan Rambler Classic árgerð 1965.
![image](https://img.bilaskra.is/images/1612440273_7477534339214781119_1695822909000.jpg)
Hér er átta strokka Ford Bronco ´74 og við hlið hans Toyota Cressida ´89, sem segja má að hafi verið einn fjarstæðukenndasti bíllinn á sýningunni.
![image](https://img.bilaskra.is/images/1612440274_4211842783813676712_1696539708000.jpg)
Með nýjustu Hod-Rodurunum á götunni er þessi vel uppgerði Ford ´46.
![image](https://img.bilaskra.is/images/1612440275_5607750717021977813_1697783460000.jpg)
Til vinstri má sjá flottan tvílitan Oldsmobile 88 árgerð 1959 og við hlið hans Ford Galaxie ´67.
![image](https://img.bilaskra.is/images/1612440277_6277909747622360601_1699002799000.jpg)
Þessi eldrauði Mercedes-Benz kúlunefur frá 1964 er dags daglega geymdur í bakgarði eigandans við gríðarlega hrifningu nágrannanna.
![image](https://img.bilaskra.is/images/1612440278_5555632605898212271_1700168664000.jpg)
Gamall CJ-3 Willys-jeppi með blæju, ættaður frá Ísrael, er ávallt skemmtileg sjón, þó mörgum þyki húddið heldur háreist.
![image](https://img.bilaskra.is/images/1612440279_5122909859335574721_1701390389000.jpg)
Fallegur og virðulegur Chevrolet Bel Air árgerð 1954.
![image](https://img.bilaskra.is/images/1612440280_7505275950950975395_1702652020000.jpg)
Þessi rúmgóði smái en knái Mercedes-Benz 180 árgerð 1959 tók sig vel út innan um amerísku drekana.
![image](https://img.bilaskra.is/images/1612440281_3569514774988820775_1703596065000.jpg)
Buick árgerð 1963.
![image](https://img.bilaskra.is/images/1612440282_6614784882368669708_1704874616000.jpg)
Það alltaf gott að hafa kraftabíl séra Gunnars á svæðinu, ´67 Chevrolet Camaro, enda virðist fylgja honum einhver blessun.
![image](https://img.bilaskra.is/images/1612440284_1313319527931089851_1706211062000.jpg)
Starfsmenn og gestir safnsins klæddust viðeigandi klæðnaði frá rokk og ról tímanum og hér má sjá nokkra þeirra stilla sér upp fyrir framan aðalbíl dagsins.
![image](https://img.bilaskra.is/images/1612440285_7359192197860024963_1707482043000.jpg)
Það virtust engin bönd halda gestunum og ruddust þeir inn í sýningabílana án þess að spyrja kóng eða prest. Það var annað hvort að læsa bílunum eða láta gott heita, enda erfitt að neita stúlkum eins og þessum um aðgang.
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1645029606_6187882911633950893_1421378996227778.jpg)
Karlinn á þessum æpandi græna Bentley sem sést hér, er víst þekktur fyrir að vera æpandi brjálaður í umferðinni.
![](https://img.bilaskra.is/images/1648017605_1476441234266964501_1643510528478231.jpg)
Þeir eru misjafnir eins og aðrir bílar „pikkararnir“ eða pallbílarnir eins og þeir heita víst. Eftir mikið grams klastraði ég saman lista yfir þá tíu pallbíla sem margir bílablaðamenn virðast sammála um að séu vondir og mislukkaðir.
![](https://img.bilaskra.is/images/1665160806_7516701697828919984_18786710985443291.jpg)
Jaguar Land Rover við Hestháls frumsýnir nk. laugardag, 8. október, nýjar kynslóðir tveggja bíla frá Land Rover í Bretlandi. Um er að ræða Range Rover Sport...
![](https://img.bilaskra.is/images/1665866410_2287404689238264602_19492315312656126.jpg)
Með Grenadier braust Ineos fram á sjónarsviðið með jeppa sem er hannaður til að takast á við gróft landslag og erfiðar aðstæður...