Munro Mk1 er rafknúinn keppinautur við Ineos Grenadier með 375 hestöfl
Sprotaffyrirtækið er fyrsta fyrirtækið til að setja upp bílaframleiðsluaðstöðu í Skotlandi í meira en 40 ár
Skoska sprotafyrirtækið Munro mun takast á við væntanlegan Ineos Grenadier með harðgerðum jeppa sem fer hvert sem er – munurinn er að þessi er aðeins rafbíll.
Við fjölluðum um það að þessi rafjeppi væri á leiðinni hér á vefnum í september, en núna er sem sagt búið að frumsýna gripinn.
Munro Mk1, sem var nýlega afhjúpaður í Edinborg og nefndur eftir heiðurstitilnum sem gefinn er hvaða skosku fjalli sem er yfir 3000 fet að hæð (914 metrar), mun Munro Mk1 koma á næsta ári í fimm dyra útgáfu, með verð frá 59.995 pundum (um 10,4 milljónir ISK) (atvinnunotendur geta slegið virðisaukaskatt af þeirri tölu) .
Með köntuðu útliti sýnir MK1 sig sem meira í stíl herbíla en nýr Defender, markvisst laus við skraut og óþarfa dót.
Það er áberandi að yfirmaður hönnunar Munro, Ross Compton, vann einnig að svipaðri nytjahönnun fyrir bandaríska fyrirtækið Bollinger Motors - samkeppnisaðila rafknúinna, kassalaga torfærubíla.
Munro Mk1 kemur á næsta ári í fimm dyra útgáfu – sem er ekki svo mjög frabrugðin gamla góða Land Rover í útliti – og ekki heldur væntanlegum Grenadier.
Fyrir utan nýja aflrásina eru margar forskriftir Munro eins og hefðbundinn torfærubíll. Hann situr á undirvagni með stigagrind og notar hefðbundna uppbyggingu öxla á báðum endum, með varanlegu fjórhjóladrifi, hefðbundnu miðlægu mismunadrifi og valfrjálsum driflæsingum að framan og aftan.
Afl kemur frá einum mótor, sem sendir drif í hvert hjól með vélrænum hætti í gegnum tveggja hraða millikassa, sem gefur þannig lágt svið drifhlutfalls.
Sem slíkur tekur hann nokkurn veginn þveröfuga nálgun við væntanlegan rafknúna Mercedes-Benz EQG með einstökum hjólamótorum sínum með samþættri tveggja gíra gírskiptingu.
Mk1 situr á 3300 mm hjólhafi, en mjög lítið yfirhang þýðir að hann er aðeins 4590 mm langur.
Mk1 státar líka af mjög áhrifamiklum tölum varðandi torfærugetu, þar sem Munro er sagður vera með 480 mm veghæð frá jörðu - miklu meira en annað hvort loftfjöðraður Defender eða Grenadier. 84° aðkomuhorn, 51° brottfararhorn og 31,6° hallahorn, ásamt því að vaðdýptin er 800 mm.
Mk1 er einnig með 1.000 kg farmgetu – sem gerir það kleift að líta á hann sem atvinnubíl af skattalegum ástæðum – og krossviðarfóðrað hleðslurými sem getur hýst Evrópubretti.
Þó að hann búist við því að Mk1 muni höfða til sumra „lífsstílkaupenda“, sagði Munro að hann væri hannaður fyrir vinnu og nefndi byggingar-, námu- og landbúnaðargeirann sem líklega viðskiptavini.
Farþegarýmið er með harðgerðri byggingu og rofabúnaði sem hannaður er til að stjórna með hanska.
(fréttir á vefsíðum Autocar og Auto Express)
Aðrar umfjallanir
Beðið hefur verið með mikilli eftirvæntingu eftir fjórhjóladrifna rafmagnsjeppanum Volvo XC40 P8 AWD Recharge. Brimborg mun byrja að taka við forpöntunum á ríkulega útbúinni R-Design...
Nissan kynnir í sumar skilvirku og hljóðlátu rafdrifnu aflrásina e-Power fyrir Nissan Qashqai sem felst í meginatriðum í eiginleikum og upplifun...
Facel Vega var óhefðbundinn franskur bíll! Með 383 Chrysler undir vélarhlífinni var þetta enginn kettlingur þótt hann malaði ljúft. Hann komst á milli staða og það nokkuð hratt ef enginn var fyrir. Fjöldi nafntogaðra karla og kvenna vildi eiga Facel Vega en bíllinn kostaði sitt.