Stóri kagginn
Ég leit út um gluggann hjá mér í dag hérna á Eyjavöllunum í Reykjanesbæ og sá þá ansi fallegan Chevrolet Caprice Classic. Datt mér þá í hug að fletta þessum stóra og mikla bíl aðeins upp og tékka á nokkrum staðreyndum.
Lúxus
Chevrolet Caprice Classic var bíll í fullri stærð, framleiddur af General Motors undir merkjum Chevrolet frá árinu 1965 til 1996. Caprice var hugsaður sem lúxusbíll en á líftímanum fór hann í gegnum nokkrar yfirhalningar.
Caprice Classic árgerð 1974.
Þegar Caprice Classic var fyrst kynntur árið 1965 var hann hugsaður sem „premium“ gerð af Chevrolet Impala. Sá var með áberandi þaklínu og uppfærðri innréttingu.
Hér er einn árgerð 1976.
Dísill
Á áttunda áratugnum héldu General Motors áfram að þróa bílinn. Árið 1977 var Caprice endurhannaður og kom þá með nútímalegra útliti.
Þá kom bíllinn einnig með dísilvél sem varð nokkuð vinsæll kostur á þeim tíma enda bensínverð í hæstu hæðum í Bandaríkjunum.
Árgerð 1977.
Á níunda áratugnum varð Caprice æ vinsælli kostur meðal lögregluembætta í Bandaríkjunum.
Endalokin
Það var svo aftur árið 1990 sem bíllinn fær viðamikla yfirhalningu og er breytt til mikilla muna. Þá verður Caprice ávalari og mýkri í útliti. Eftir þessa breytingu fer salan að minnka enda jeppar og aðrar gerðir ökutækja að koma sterkari inn sem valkostir á markaðnum.
1979 árgerð.
Þessi er 1990 módel.
Station árgerð 1992.
Framleiðslu gerðarinnar Caprice Classic var síðan hætt árið 1996 og markaði það endalok „stóru kagganna“.
En Caprice er nú ástæll klassískur bíll sem safnarar og bílaáhugamenn sækja í.
1994 árgerð.
Hér eru algengustu vélarstærðirnar
1965-1970: 4,6 L (283 cu in) V8, 5,0 L (307 cu in) V8, 5,4 L (327 cu in) V8, 6,5 L (396 cu in) V8
Carpice var vinsæll meðal löggunnar í Bandaríkjunum. Enda bíllinn níðsterkur og aflmikill.
Aðrar umfjallanir
Skoda hefur flýtt kynningu á næstu þremur rafbílum sínum um fjögur ár, frá 2030 til 2026...
Stundum eru góðar fréttir í heiminum og í dag er ein slík á ferðinni: Búist er við að stjórn Volkswagen samþykki á miðvikudag áætlun...
Tesla var að kynna á markaði nýja öfluga útgáfu af Model S, með það að markmiði að endurvekja áhuga á næstum áratugs gömlum fólksbíl og verjast...
„Þessi alveg nýja gerð Nissan Micra verður hönnuð af Nissan og hönnuð og framleidd af Renault með því að nota nýja sameiginlega grunninn“, sagði Ashwani Gupta...