Ducati Hypermotard verður þriggja hjóla, Star Wars innblásið mótorhjól fyrir ískappakstur
-hér er ein skemmtileg frátt fyrir þá sem hafa áhuga á mótorhjólum – og þá ef þau eru sérstök!
![image](https://img.bilaskra.is/images/1612442034_7373106262946527270_3456585681000.jpg)
Balamutti þriggja hjóla sérsmíðaður „ís racer“
Mótorhjólaheimurinn, með gríðarstóran eftirmarkað, er þekktur fyrir sérsmíði af ýmsu tagi, en við höfum sjaldan séð hjól eins og þetta. Rússneska fyrirtækið Balamutti bætti þriðja hjólinu við Ducati Hypermotard til að búa til hjól sérsmíðað fyrir ís-kappakstur.
1,1 lítra vélin var ekki látin ósnortin. Taktu eftir: þeir hjá Balamutti tóku Garrett GT35 túrbóhleðslubúnað og bættu trissukerfi við sveifarás vélarinnar til að breyta yfir í forþjöppu.
Tækniforskriftir hafa ekki verið gefnar út enn þá, en hafa má í huga að staðalgerð Hypermotard er að minnsta kosti með 90 hestöfl fyrir knapann. Brembo bremsur halda aflinu í skefjum.
Vitaliy Selyukov, maðurinn á bak við smíðina, sagði við Asphalt & Rubber að hann nefndi sköpun sína Yondu eftir persónu í „Guardians of the Galaxy“.
Hann útskýrði að hann smíðaði það til að keppa í Baikal Mile, keppni sem haldin er á hinu frosna Baikal-vatni nálægt landamærum Rússlands og Mongólíu, en hann tilkynnti verkefnið á opinberri vefsíðu sinni 18 dögum eftir að áætluninni lauk. Hvort það keppti er óljóst; það sem er víst er að þetta er eitt nýstárlegasta hjólið sem komið hefur fram frá því að Lazareth sýndi fjórhjóla mótorhjól sem hallar sér í beygju, að sögn þeirra hjá Autoblog sem birtu þetta á sínum vef.
![image](https://img.bilaskra.is/images/1612442035_8744561962364598330_3457185200000.jpg)
Hér sést vel hvernig hjólið getur hallað sér í beygju
![image](https://img.bilaskra.is/images/1612442035_5352460459925095735_3457740550000.jpg)
Öflug fjöðrun og nóg af ísnöglum
![image](https://img.bilaskra.is/images/1612442036_5290893230593955006_3458762695000.jpg)
Gljáandi „heilkoppur“ setur sinn svip á afturhjólið.
![image](https://img.bilaskra.is/images/1612442037_5067486291482984577_3459738649000.jpg)
Það veitir örugglega ekki af að vera með nóg af ísnöglum í dekkjunum á svona hjóli.
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1669448405_6264282136423326997_23074310111226803.jpg)
Polestar er staðráðinn í að bæta við framleiðslu í Evrópu, en það munu líða að minnsta kosti fimm ár þar til það gerist...
![](https://img.bilaskra.is/images/1652434805_7761671541082217738_6060710568028221.jpg)
Samkvæmt eftirfarandi frétt frá fréttastofu Reuters setti Toyota bZ4X, fyrsta fjöldaframleidda rafbílinn sinn, á markað í Japan eingöngu í kaupleigu...
![](https://img.bilaskra.is/images/1621172407_8418907312290704789_3912671406301816.jpg)
Dacia ætlar að kynna þrjár nýjar gerðir árið 2025, en sú fyrsta kemur á næsta ári í formi stærri bróður Duster jeppans, sem kallast Bigster...
![](https://img.bilaskra.is/images/1676839207_5330064191157567402_30465112219906287.jpg)
2025 Porsche Boxster og Macan rafbílar sáust í vetrarprófunum á heimskautsbaugnum í fyrsta skipti...