Nýr Benz GLA frumsýndur á miðvikudaginn
Mercedes-Benz sýnir hönnunarteikningu af GLA 2021 á undan frumsýningunni í vikunni.
Hann er greinilega meira líkur jeppa en fráfarandi gerð
Við birtum hér á dögunum „njósnamyndir“ af 2021 árgerð af Benz GLA sem verður frumsýndur í vikunni, nánar tiltekið miðvikudaginn 11. desember.
Útlitsteikning frá Mercedes-Benz af þessum -nýja GLA
Mercedes-Benz birti hönnunarteikningu á samfélagsmiðlarásum sínum í dag til að forskoða aðra kynslóð GLA crossover-bílsins eða sportjeppans, hvað sem hann verður kallaður.
Benz sendi líka frá sér þessa ljósmynd sem gefur aðeins vísbendingu um innréttinguna í þessu nýja GLA.
Loftopin, stafrænn tækjabúnaðurinn og stýrið eru sömu einingar og þú finnur í öðrum nýjum bílum frá Benz. MBUX upplýsinga- og afþreyingarkerfið verður einnig í boði.
GLA deilir meira en útliti og innréttingum með annarri kynslóð CLA, A-Class, sjö sæta GLB og B-Class. Allar þessar gerðir byggja á framhjóladrifsgrunni sem hægt er að uppfæra með 4Matic fjórhjóladrifi. Eins og flest systkini sín, þá mun GLA fá túrbóvél, 2,0 lítra fjögurra strokka sem grunngerð. Mercedes bætir við öflugri fjögurra strokka túrbóvél (þar með talinn 416 hestafla vél sem mun knýja flaggskipið GLA 45), og tengitvinngerð gæti komið fljótlega inn í framleiðsluferlið, en þó ekki alveg strax.
Frumsýning á miðvikudag
Þessi næsta gerð GLA mun verða frumsýnd á Mercedes Me fjölmiðlavettvanginum sem fyrirtækið kom á fót árið 2017. Frumsýningin verður klukkan 14:00 CET (Evróputíma) eða klukkan 13 að íslenskum tíma, þann 11.desember. Þetta verður í fyrsta skipti sem Mercedes frumsýnir og kynnir bíl eingöngu á netinu. Það verður ekki frumsýningarviðburður skipulagður fyrir fjölmiðla og stjórnendur kusu viljandi að stíga vel út úr hefðbundnum frumsýningum á bílasýningum. Þetta mun spara umtalsverða peninga, en við biðum eftir frumsýningunni á miðvikudaginn.
Aðrar umfjallanir
Sony-Honda Mobility, samstarfsverkefni Honda og tæknifyrirtækisins Sony, hefur afhjúpað fyrstu frumgerð sína auknafnið, Afeela...
Þau eru nokkur, fyrirtækin sem hannað hafa „body kit“ fyrir nýjan Land Cruiser 300.
Átt þú skondna sögu af fyrsta bílnum þínum? Ég er nefnilega að safna og væri mjög þakklát ef lesendur vildu deila þeim. En þangað til þurfa erlendar sögur að duga og að sjálfsögðu eru það sögur frá Fiat-fólki þar sem fyrsti bíll undirritaðrar var þessi líka fín…flo… já þessi líka Fiat Uno ´87.
Það er greinilega verið að ljúka prófunum á nýja Volkswagen Golf R sem er í lokaáfanga þróunar, á undan væntanlegri frumsýningu...