Pólland velur stað fyrir verksmiðju til að smíða Izera rafbílana
Við sögðum frá því í október að pólskt sprotafyrirtæki væri að skipuleggja innlenda framleiðslu rafbíla, en fjögur pólsk orkufyrirtæki hafa sameinast um að koma á fót innlendum framleiðanda rafknúinna ökutækja með það að markmiði að framleiða 100.000 ökutæki árið 2023.
EMP ætlar að setja gerðir sportjeppa og hlaðbaks á markað undir vörumerkinu Izera og hefur þegar kynnt frumgerðir fyrir ökutækin. Gerðirnar eru hannaðar af Torino Design á Ítalíu.
![image](https://img.bilaskra.is/images/1612438984_4838910078143333006_406152235000.jpg)
Izera hlaðbakurinn og sportjeppinn eru hannaðir af Torino Design á Ítalíu.
Til að draga úr áhættunni sagðist EMP munu nota aðfenginn grunn að ökutækinus frá erlendum samstarfsaðila samkvæmt samstarfsleyfi en hefur ekki enn nefnt fyrirtækið.
Þýska fréttastofan, Deutsche Welle, hefur sagt að EMP eigi í viðræðum við Volkswagen um að nota MEB grunn VW, svo og við Toyota og Hyundai varðandi þeirra rafbílalausnir. VW hefur sagst ætla að veita leyfi fyrir rafknúnum MEB-grunni og hefur þegar gert samning við Ford.
Framleiðsla, sem upphaflega átti að hefjast árið 2023, mun nú hefjast árið 2024, sagði fyrirtækið.
„Izera er tækifæri fyrir skilvirkan bílaiðnað hér og til að nýta möguleika sóknar á sviði rafbíla, sem passar fullkomlega inn í efnahagslandslag svæðisins,“ sagði loftslagsráðherrann Michal Kurtyka.
(Reuters)
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1646574004_3544644975867138230_199909509930139.jpg)
![](https://img.bilaskra.is/images/1612441235_5011648708119671718_2657187533000.jpg)
Nýi Defender-jeppinn frá Land Rover var frumsýndur með viðhöfn hér á landi um helgina, en nú berast fréttir um að minna framboð verði á...
![](https://img.bilaskra.is/images/1612444071_1779425535755859326_5493972103000.jpg)
Önnur kynslóð Land Rover Defender verður frumsýnd þann 10. september á bílasýningunni í Frankfurt. 90 og 110 gerðirnar fara í sölu á næsta ári og 130-gerðin síðan um það bil 12 mánuðum síðar.
![](https://img.bilaskra.is/images/1650145206_1852200032025754242_3771111244541920.jpg)
Hvernig ætli lögreglumanni líði þegar sturlaður byssumaður „plaffar“ á hann? Miðað við þennan náunga í lögreglunni í Oklahoma virðist þetta nú ekki neitt til að kippa sér upp við. Hann er hér á hraðbrautinni að elta byssumann og ekur utan í bílinn hjá glæponinum sem lætur skotum rigna á löggubílinn.