Lexus UX 300e – frumsýndur í Kína
Fyrsti bíllinn frá Lexus sem eingöngu notar rafmagn – og er sportjeppi
Það er ekki bara vestur í Los Angeles sem verið er að frumsýna nýja bíla þessa dagana, og það líka rafmagnsbíla, því austur í Kína, nánar tiltekið í Guangzhou var verið að frumsýna nýjan Lexus UX í dag.
Lexus hefur afhjúpað sinn fyrsta rafbíl sem eingöngu notar rafhlöður, 2020 árgerð Lexus UX 300e, sem var frumsýndur í dag, föstudaginn 22. nóvember á bílasýningunni Auto Guangzhou 2019. Þegar hafði verið gert ráð fyrir að fyrsti rafbíll Lexus yrði rafmagnsútgáfa af UX „crossover“-bílnum og að bíllinn myndi nota eingöngu rafmagn frá rafhlöðum.
Að utan nánast eins og aðrar gerðir Lexus UX
Að utan er rafmagnsútgáfan UX 300e næstum því eins og bensín- og blendingaútgáfan af UX. Það eru nokkrar litlar uppfærslur, eins og mismunandi felgur og aksturshæðin bílsins hefur verið lækkuð um 20 mm. Undirvagninn hefur einnig verið endurhannaður til að gera hann loftaflfræðilegri.
Í innanrýminu er fátt sem er öðru vísi nema umhverfi mæla í mælaborðinu, að því er fram kemur á vefmiðlum eftir frumsýninguna..
400 kílómetra aksturssvið á einni hleðslu
UX 300e er knúinn af 201 hestafla rafmótor með 299 Nm togi. 54,3 kWh rafhlaðan gefur UX 300e aksturssvið allt að 400 km samkvæmt NEDC-mælistaðli. Það tekur um það bil 50 mínútur að hlaða það með 50 kW hraðhleðslutæki.
Reiknað er með að UX 300e verði til sölu í Kína árið 2020 og í Evrópu árið 2021.
Aðrar umfjallanir
Renault breytir sínum gamla klassíska bíl í nútímalegan lítinn bíl, smíðaðan sem „jeppahugmynd“ og forsýnir beint framtíðarframleiðslubíl sem er væntanlegur árið 2025
Í einu vetfangi endurheimti Bugatti kórónu hámarkshraðans frá Koenigsegg og varð fyrsti bílaframleiðandinn til að brjóta 300 mílna múrinn.
Mick Schumacher, ökumaður Haas-liðsins í Formúlu 1, ók á steyptan vegg í tímatökum í Saudi Arabíu síðdegis í dag. Áreksturinn var allharður en Schumacher var á mikilli ferð, eða sennilega um 200 kílómetra hraða. Sumir fjölmiðlar fullyrða að hraðinn hafi verið 170 mílur/klst en það eru 273 km/klst.
Það er ekki sérlega langt síðan að Volvo lét nokkra splunkunýja bíla falla niður úr krana sem hífði bílana í nokkra hæð. Sá gjörningur var fyrst og fremst til að kanna áhrif slíks...