Renault tengist Geely
Sameiginleg bílaframleiðsla í Suður-Kóreu:
Öll þekkjum vörumerkið Samsung – aðallega fyrir sjónvörp og farsíma, en núna gæti okkur staðið til boða að aka um á bíl frá Samsung.
Renault-Samsung verksmiðjan í Busan, Kóreu: Verksmiðjan er talin afar afkastamikil, en er ekki fullnýtt. Myndin sýnir Samsung SM6 fólksbílinn. (Mynd: Samsung)
Eins og fyrirtækin tvö tilkynntu á föstudag verða farartækin sem smíðuð eru í Busan ekki aðeins boðin í Suður-Kóreu heldur verða þau einnig flutt út.
Sala einstakra gerða í Norður-Ameríku er talin örugg, en í fyrstu var óljóst hvort útflutningurinn næði einnig til Evrópu.
Fyrir Renault þýðir nýja samstarfið tækifæri til að uppræta hið alvarlega bakslag í Kína. Árið 2021 dró Renault sig út úr Kína eftir taprekstur og langvarandi erfiðleika í framleiðslu.
Volvo grunnurinn verður einnig fáanlegur hjá Renault í framtíðinni
Samstarfsaðilarnir tveir vilja nota samþætta grunninn (CMA) fyrir þær gerðir sem fyrirhugaðar eru í Busan; grunn sem Geely og Volvo Cars þróuðu saman í Svíþjóð. Þessi grunnur er nú notaður í Volvo XC40, Polestar 2 og í ýmsum gerðum frá Geely's Lynk & Co vörumerkinu.
CMA grunnurinn getur hýst hefðbundnar brunavélar, hybrid-rafbíla eða tengitvinnbíla og fullar rafmagnsdrifrásir.
Renault hefur framleitt og selt bíla í Suður-Kóreu, að mestu byggða á evrópskum gerðum, í meira en tvo áratugi í gegnum Renault-Samsung Motors, staðbundið vörumerki með Samsung Group einingu. Renault á 80 prósenta hlut í fyrirtækinu.
Fjöldi bíla sem smíðaðir voru í Busan verksmiðjunni hafa verið fluttir út til Evrópu.
Þeirra á meðal eru Renault Arkana, fyrirferðarlítill jepplingur í coupe-stíl, sem og Koleos meðalstærðarjeppinn.
Eri Li, stjórnarformaður Geely, áður þekktur sem Li Shufu, sagði um samninginn: „Geely hefur með þessu bætt gagnkvæmu samstarfi á ferilskrána.“
(Automobilwoche og Automotive News Europe)
Aðrar umfjallanir
Rafmagnssmábíll Sir Clive Sinclair var stórkostlega misheppnaður, en C5 var á undan sinni samtíð.
Dekk sem leggja upp í ferðalag án bíls geta verið ferlega varasöm. Þessi maður hér í meðfylgjandi myndbandi hefur ábyggilega andstyggð á dekkjum sem fara á flakk eftir þessa sérstöku reynslu.
Það er ekkert launungarmál að notaðir og nýir bílar seljast eins og heitar lummur víða í heiminum og þar eru Bandaríki Norður-Ameríku engin undantekning. Það sem kemur kannski dálítið á óvart er hvaða bíll seldist hraðast allra í júnímánuði.
Nissan hefur sent frá sér uppfærða útgáfu af einkennismerki fyrirtækisins samhliða kynningu á hinum nýja, hreina rafmagnaða Ariya sportjeppa...