Citroën C5 Aircross í nýjum fötum
Citroën er að koma með andlitslyftingu og tæknilegar uppfærslur á bílnum.
Einu sinni var okkur sögð sagan af nýju fötum keisarans, en samkvæmt því sem Terje Ringen skrifar á vef BilNorge þá er ekkert slíkt á ferðinni varðandi Citroën C5 Aircross, sem mun birtast okkur seinna á þessu ári í nánast „alveg nýjum fötum“.
Nýr framendi með nýjum ljósum, sem og afturljós með nýju yfirbragði eru mikilvægustu breytingarnar á ytra byrði uppfærðu gerðarinnar.
Ný innrétting
Innandyra vekur mesta athygli nýi 10 tommu snertiskjárinn sem að sögn Citroën veitir auðveldara og betra aðgengi að upplýsingum og hinum ýmsu aðgerðum í akstrinum.
Auk þess er stóri 12,3 tommu ökumannsupplýsingaskjárinn stillanlegur og getur skilað þeim upplýsingum sem ökumaðurinn vill fá hverju sinni.
Nýr C5 Aircross verður einnig búinn nýrri kynslóð sæta sem hafa verið þróuð í takt við „Citroën Advanced Comfort“. Þau eru svipuð sætum sem finnast í ë-C4 og væntanlegum C5 X.
Að sögn framleiðandans veitir þykkari og betri bólstrunin meiri þægindi í setu yfir langan tíma. Framsætin eru að sjálfsögðu upphituð og hægt að fá þau með nuddi.
Auk þess er að finna stóra geymslu, tengi og þráðlausa hleðslu farsíma.
Þægindi í fyrirrúmi
Mikilvægur hluti af DNA Citroën er þægindi. C5 Aircross heldur að sjálfsögðu háþróaðri fjöðrun og hjólabúnaði sem inniheldur „Progressive Hydraulic“ fjöðrunarpúða, það sem Citroën vísar til sem „fljúgandi teppis“, sem virkar sérlega vel til takast á við slæma vegi og ójafnt undirlag.
C5 Aircross er einnig búinn aftursætum sem hægt er að færa langsum með sérstillanlegum bakhalla.
Þetta gerir það að verkum að auðvelt er að breyta farangursrúmmálinu úr 460 í 600 lítra í tvinnútgáfu C5 Aircross.
Bíllinn mun verða eins og í dag, með 225 hestöflum, 320 Nm togi frá driflínu sem gerir kleift að aka allt að 55 kílómetra með rafmagni.
Aðrar umfjallanir
Spáð er að áttunda kynslóð Golf muni seljast á heimsvísu sem nemur um 1 milljón einingum undir forvera sínum á lífsferli sínum...
Volkswagen Golf náði aftur sæti sem mest seldi bíll Evrópu í júlí eftir að bíllinn missti fyrsta sæti í tvo mánuði á undan til Renault Clio...
Nýjasta Honda Jazz verður hleypt af stokkunum aðeins sem blendingur (hybrid) með rafmagnaða útgáfu sem kæmi síðar. Takeki Tanaka...
Það er margt sem gleður augað á bílasýningunni í Detroit. Fyrir þá sem ekki hafa kost á því að skella sér...