Í fyrradag var tilkynnt að Max Verstappen væri vinsælasti ökumaðurinn í Formúlu eitt. Sama dag tilkynnti Verstappen að hann ætlaði ekki að taka þátt í hinum vinsælu Netflixþáttum Drive to Survive. Hið síðarnefnda er einn allsherjar skellur fyrir aðdáendur hans sem færðu honum einmitt titilinn „vinsælasti ökumaður Formúlu eitt“.
Verstappen er mjög vinsæll á meðal aðdáenda en 167.000 manns tóku þátt í valinu á vinsælasta ökumanni Formúlu eitt. Mynd/Youtube skjáskot
Könnunin sem leiddi þetta í ljós var á vegum Motorsport Network í samstarfi við F1 og Nielsen Sports. Er könnunin sú stærsta sem gerð hefur verið af Motorsport Network en svarendur voru 167.000 talsins og búsettir hér og þar á jarðarkúlunni. Aðallega þar, en löndin voru 187.
Hamilton samt enn voða vinsæll
Þessi tuttugu og fjögurra ára ökumaður skaut m.a. Ricciardo og Hamilton ref fyrir rass í þessari vinsældarkosningu en það þýðir síður en svo að þeir séu eitthvað óvinsælir.
Fyrst minnst er á það: Að vera kátur. Þá er hinn síbrosandi Daniel Ricciardo í fjórða sæti í vinsældarkosningunni. Svei mér ef maðurinn er ekki alltaf brosandi. Og það er bráðsmitandi - þetta bros!
Alltaf brosandi! Ef maður „gúglar“ ökumanninn Daniel Ricciardo, koma upp ótal myndir og hann er brosandi á þeim ÖLLUM! Eða nánast öllum. Mynd/Twitter
Þetta leiðinlega
Já, það er komið að hinu sem kom greint var frá í fjölmiðlum eftir að að tilkynnt var um vinsældir Verstappen (og kann að draga eitthvað úr nýbökuðum vinsældunum):
Hann kýs að vera ekki með í næstu þáttaröð af Drive to Survive. Þetta eru þættir um Formúlu eitt sem ég held að varla þurfi að kynna fyrir lesendum. Nú ef þið kannist ekki við þessa þætti sem Netflix framleiðir þá mæli ég hiklaust með því að þið horfið á þá strax í kvöld. Ég meina, það er föstudagur og ekkert í sjónvarpinu. Er það nokkuð?
Blaðamaður náði því miður ekki tali af Verstappen sjálfum við vinnslu fréttarinnar en það kann að stafa af því að ég [blaðamaður] er ekki með símanúmerið hjá honum. Hann passar sig á að gefa ungum konum ekki símanúmerið hjá sér. Þess vegna skil ég ekki af hverju ég er ekki með það.
Aðrar umfjallanir
McLaren er með áætlun um sportlegan fólksbíl sem keppa mun við Porsche Taycan
Þetta er flókið mál! Enda er Lewis Hamilton ekki vanur að vera á hvolfi en hér á myndinni er hann engu að síður á hvolfi í þotu af gerðinni Aero L-39 Albatros.
Þann 14. júlí verður Hyundai Ioniq 6 frumsýndur í Suður-Kóreu en fyrir fáeinum dögum birti framleiðandinn örstutt myndband þar sem fólksbíllinn er kallaður „Electrified Streamliner“. Það sem sést hefur af bílnum gefur einmitt almennilega straumlínulögun til kynna.
Hann virkar alveg hrikalega flottur í þessari undarlegu auglýsingu; Mercedes-AMG SL, bíll sem fyrst kom á markað á sjötta áratug síðustu aldar og er nú „endurfæddur“ segir í auglýsingunni.