Einn af 475 eintökum
Alfa Romeo 475 Touring Series 2, 1900C Super Sprints – já, það vantar ekkert upp á að nafnið sé „fancy“ en það verður að segjast að bíllinn er það líka. Hvað sem menn hafa að segja um Alfa Romeo bíla eru þeir umfram allt byggðir í form fegurðar. Þessi bíll er árgerð 1954.
Eintakið sem um er fjallað í dag er búið að vera í eigu sama aðila í 36 ár eða frá því um 1985.
Bíllinn var allur tekinn í gegn seint á níunda áratugnum og lítur út eins og hann sé að renna út af færibandinu í verksmiðjunni.
Byrja stórt árið 1950
Það var síðan árið 1950 sem Alfa Romeo kynnti sinn fyrsta nýja bíl eftir stríð. Það var Alfa 1900. Þessi bíll var ekki einatt sá fyrsti sem Alfa framleiddi eftir stríð heldur einnig sá fyrsti sem var „unibody“ bíll frá Alfa Romeo í Mílanó. Undir vélarhlífinni var 1,9 lítra fjögurra strokka með tvöföldum kambási og skilaði nokkuð sportlega um 90 hestöflum.
1900 fékk einnig klofspyrnu (wishbone, eða í laginu eins og „óskabein“ úr kjúklingi) og gormafjöðrun að framan, sem virkaði samhliða “lifandi” afturöxli.
Framúrskarandi í kappakstri
Þetta þótti eflaust vel í lagt hjá Alfa Romeo með þennan kagga á þessum uppbyggingar tímum. En hann sór sig í fjölskylduna. Það kom því ekki ekki á óvart að 1900C kom árið eftir og þá með Sprint í gerðarnafninu líka. Bíllinn var að mestu leyti eins og 1900 bíllinn en aðeins styttri. Að sjálfsögðu vel sportlegur bíll. 1900C var með „cabriolet“ hönnun frá Pinnafarina og „coupé“ bíllinn var hannaður af Touring.
Með stærri vél upp í 1975cc sem gaf um 115 hestöfl og smíðuð úr áli var afl og þyngdarhlutfall þessa kúpubaks algerlega frábært og því stóð hann sig best á kappakstursbrautinni.
Þessi bíll kom af færibandinu þann 31. mars árið 1954 og afhentur kaupanda að nafni Guiseppo Mattioli. Bíllinn var skráður í Bretlandi þann 12. maí 1960.
Þetta er samskonar gerð bíls sem Alfa hóf aftur framleiðslu á eftir stríð á meðan þeir voru að ná sér á strik eftir stríðið.
Og uppfærður Alfa 6C 2500 frá 1948.
[Birtist fyrst í ágúst 2021]
Aðrar umfjallanir
Fyrsta opinbera myndin á nýja alrafmagnaða MG4 fjölskyldu hlaðbaknum sem á að koma til Evrópu síðar á þessu ári...
Tryggð við vörumerki er vissulega mikilvæg, en ef fyrirtæki getur ekki fengið nýja viðskiptavini er það áhyggjuefni...
Yaris er fyrsti bíllinn til að takast á við uppfærðar prófunarreglur og sá fyrsti til að hljóta fimm stjörnur í einkunn samkvæmt nýja kerfinu...
MÍLANÓ – Kia mun auka úrval sitt af rafknúnum gerðum með litlum „crossover“ sem á að koma á markað árið 2024 sem og lítinn hlaðbak strax árið 2025...