Bíllinn sem náði ekki að verða rallýbíll

Nú hefur nýju ljósi verið varpað á talsvert gamalt mál og tilraun Mitsubishi til að koma með sambærilegan bíl og Audi Quattro og Ford RS200 á toppi rallý tímabilsins. Þetta gerist eftir að áður óséðar opinberar skissur af fjórhjóladrifnum Starion fundust í skjalasafni.

Talið er að þær sýni svart á hvítu að Mitsubishi var alvara með smíði 200 eintaka Starion 4WD bílsins og stimpla sig þannig inn í rallýheiminn.

Átti að vera jaxl

Mitsubishi Starion 4WD er þannig einn af „týndu bílum“ rallýheimsins samhliða hinum afturhjóladrifna Ford Escort RS1700T (RS200 kom í staðinn fyrir þann Ford) og Audi Quattro Sport með millistærðar vél.

Mitsubishi Starion 4WD var þróaður af Ralliart teyminu í Bretlandi undir stjórn fyrrum ökumannsins Andrew Cowan með aðstoð frá fyrrum Audi tæknimanninum Alan Wilkinsson.

Laufléttur og aflmikill

Vélin átti að skila um 350 hestöflum og byggingarefni bílsins, koltrefjar og Kevlar plastefni áttu að halda þyngd bílsins í rétt rúmlega tonni.

Aðalmunurinn á aldrifsbílnum og hefðbundnum Starion var drifkerfið. Rallý útgáfan átti að vera fjórhjóladrifin. Einnig hafði sérstökum framljósum bílsins sem opnuðust upp að framan verið skipt út fyrir hefðbundnari ljósabúnað.

Frumgerðin náði sjötta sætinu

Í bréfinu fyrrnefnda til breska umboðsmannsins kom fram að Mitsubishi ætlaði að framleiða 200 sérmerkt og númeruð eintök bílsins og kynna hann svo á British motor show árið 1984.

Frumgerð bílsins var einnig sýnd á alþjóðlegum viðburði á RAC rallinu árið 1984. Verkefnið dróst hins vegar sífellt á langinn og á meðan ætlað var að bíllinn yrði framleiðsluhæfur var B flokkur rallsins lagður og þar með hinn merkilegi Mitsubishi Starion.

Forveri Galant VR-4

Vinnan við bílinn var þó aldeilis ekki öll til ónýtis því Mitsubishi og sér í lagi Ralliart notuðu reynsluna varðandi vél og skiptingu og yfirfærðu við hönnun og framleiðslu á Galant VR-4 sem passaði sem keppnisbíll í A grúppu.

Byggt á grein Autoexpress.

[Birtist fyrst í maí 2021]