Flottur rafdrifinn blæjubíll frá GM fyrir fjöldann
- Var opinberaður fyrir bílasýninguna í Shanghai
- Hann er byggður á einum mest selda rafbílnum í Kína
Wuling Hongguang MINIEV er einn heitasti sölubíll rafbíla í Kína. Þessi mjög ódýri borgarsmábíll fór í sölu í fyrrasumar fyrir miklum látum og nú er blæjuútgáfa á leið til bílasýningarinnar í Shanghai sem verður opin fyrir almenning frá 21. til 28. apríl næstkomandi.
Hongguang MINIEV Cabrio hugmyndabíllinn hefur fengið nokkrar sjónrænar breytingar frá fjögurra sæta bílnum sem hann er byggður á.
Ljósum að framan og aftan hefur verið skipt út fyrir tölvuleikjatengdar LED-einingar, sum opnu rýmin í stuðarunum og hurðunum hafa verið fylltir út með andstæðum litum og bíllinn er stærri og hann rúllar á stílhreinni sex-pílára felgum.
Að innan hefur skjárinn sem sýnir tækjabúnaðinn tvöfaldast á breiddina sem kemur fram fyrir aftan stýrið og alveg þangað sem snertiskjárinn væri venjulega.
Fjölvirkt stýri tekur við af látlausa tveggja arma stýri.
Vegna niðurfellanlegrar blæjunnar er ekki niðurfellanlegt aftursætið lengur til staðar og búið er að breyta Hongguang í persónulegan tveggja sæta bíl.
Hann er líka gífurlega sætur, lítur út eins og fjöldi nútíma japanskra kei bíla, sem er líklega sterk söluvara.
Bíllinn kemur einnig í skærum litum eins og ljósbláum, gulum og bleikum litum, einnig með litríku áklæði.
Sameiginlegt fyrirtæki SAIC og GM-Wuling var stofnað árið 2002. Kínverski bílarisinn SAIC á 50,1% hlut, GM á 44% hlut og Wuling á afganginn.
Þetta er bíllinn sem nýi blæjubíllinn er byggður á – MINIEV sem var frumsýndur í Kína í fyrra.
Þó að bíllinn sem sýndur er á bílasýningunni í Sjanghæ verði hugmyndabíll, þá fullyrða sumar vefsíður á kínversku, eins og Autohome.com.cn að blæjubíllinn sé ætlaður til framleiðslu.
(frétt á Autoblog – myndir frá Wuling Hongguang)
Aðrar umfjallanir
Hvað er erfiðast við að vera bifvélavirki? Þetta er stór spurning sem einhver varpaði fram á veraldarvefnum. Svörin voru mörg og er kannski ágæt hugmynd að taka saman það helsta. Ef þú, lesandi góður, ert bifvélavirki þá er gott að vita að margt í starfinu virðist vera erfitt á heimsmælikvarða. Heimsmælikvarða bifvélavirkja.
Það er ekki merkilegt að fylgjast með einhverjum þvo bíl, svona alla jafna. En það er hrein unun að horfa á WRC-rallýbíla innan um allar snekkjurnar í Monte Carlo. Jú, það er verið að skola af bílunum og það er bara fínt.
Volkswagen hefur staðfest að áætlunum um rafknúinn „ID.1“ ofurmini hafi seinkað um nokkur ár þar sem kynning á nýja ID.Buzz...
Til að hefja nýtt tímabil rafknúinna ökutækja hefur Citroën endurhannað merki sitt. Merkið mun prýða bíla framleiðandans frá miðju ári 2023.