Land Rover 1971 með tjaldið á toppnum
Fjórhjóladrifsbílar með toppgrind og tjaldi. Nú eru þaktjöld í tísku en hugmyndina má reyndar rekja áratugi aftur í tímann.
Á sjötta og sjöunda áratugnum voru Dormobil skýlin sett á Land Rover (og á fleiri ökutæki, helst þá litla sendibíla) til að gera þá að ferðabílum.
Bíllinn sem um ræðir í þessari grein er skemmtilegt dæmi um þá bíla sem Dormobil breytti á þessum árum en hann er til sölu á vefnum núna.
Dormobil skýlin
Þessi tiltekni Land Rover er sagður einn af 830 smíðuðum af Martin Walter Ltd. í Englandi á árunum 1961 til 1975.
Hinu svokallaða Dormobil toppgrindartjaldi er lyft upp og gefur gott pláss, reyndar undir súð uppi undir toppnum en með svefnplássi fyrir tvo.
Á því eru gluggar sem hleypa birtu inn í bílinn en þegar lokað er það með lágan loftstuðul og þægilegt að hafa ofan á bílnum. Á þessum bíl er reyndar toppgrind sem nýtist fyrir farangur að auki.
Nokkuð upprunalegur
Inni í bílnum eru tvær raðir af sætum og hægt að snúa farþegasætinu í fremri sætaröðinni. Hægt er að setja upp borð á milli sætanna og síðan er hægt að leggja þau öll niður og útbúa þannig auka svefnpláss. Afturí er lítill skápur, vaskur og eldavél.
Nægt afl
Þetta eintak var fyrst selt í Bretlandi og er bíllinn með hægrihandarstýri. Upprunalegu vélinni hefur verið skipt út fyrir bensínknúinn 4.3 lítra GM, V6 mótor sem gefur 195 hestöfl og togar um 350 Nm. Aflið er því samkvæmt seljanda meira en tvöfalt frá upprunalega mótornum sem var 2.25 lítra fjögurra strokka. Vélin er pöruð við fjögurra gíra handskiptum kassa með Fairey overdrive og að sjálfsögðu fjórhjóladrifinn.
Aðrar uppfærslur eru meðal annars nýir höggdeyfar og gormar, ný dekk og nýtt grill. Warn spil hefur verið sett á að framan. Að lokum hefur bíllinn verið sprautaður í upphaflegum Bahama Gold frá 1971.
Byggt á grein Autoblog - myndir Hemmings.com
Aðrar umfjallanir
Ótrúlegt en satt þá reyndust uppljómuðu hjólbarðarnir frá Goodyear algjört „flopp“! Hugmyndin um hjólbarða sem lýsa í myrkri er sannarlega skemmtileg og gott ef ekki spaugileg líka. Hér er sagan!
„Út á flugvöll takk! Og það með hraði!“ Þetta hef ég sagt við leigubílstjóra í London. En það var á svörtum London taxi – við hefðum farið hraðar á götusópara. Hér er sko annað uppi á teningnum!
Skoda mun hefja framleiðslu á nýjum sportjeppa sem aðeins notar rafmagn, Enyaq iV, í verksmiðju sinni í Mlada Bolesav í Tékklandi...
Smart getur virkað mjög stór í samanburði við mörg þau bílkríli sem framleidd hafa verið í gegnum tíðina. Lítum á nokkra agnarsmáa bíla og byrjum bíltúrinn á eyjunni Mön, eða Isle of Man, því þaðan kemur nefnilega Peel Trident!