2021 Land Rover Discovery: Nú einnig með blendingstækni
Discovery hefur fengið talsverða uppfærslu. Þó ekki útlitslega séð. Hann er enn ansi líkur 2020 árgerðinni en drastískar breytingar líta dagsins ljós engu að síður. Bætt hefur verið við mildri 48 volta hybrid-drifrás, uppfærðu upplýsinga- og afþreyingarkerfi og bætt við nýjum þægindabúnaði.
Úrval véla – þar á meðal blendingur
Líkt og Range Rover og Range Rover Sport er nýi Discovery knúinn úrvali af sex strokka bensín- og dísilvélum með 48 volta mildblendingartækni, þó að grunnvélin sé hefðbundin fjögurra strokka bensínvél. Sú P300 er 2 lítra túrbóvél með 296 hestöflum.
Í framboðinu er 245 hestafla 3ja lítra línuvél, sex strokka dísilvél sem kallast D250, en það er líka 296 hestafla útgáfa af sömu vél í boði.
Báðir eru með milda blendingstækni sem nýtir orku sem venjulega tapast við hemlun eða hraðaminnkun, en dreifir síðan þeim krafti aftur þegar vélin er undir álagi eða verið er að stöðva bílinn.
Sú tækni er einnig sett í enn öflugri P360 bensínvélina, sem er einnig 3 lítra sex strokka línuvél. Með 355 hestöfl er hún öflugasta vélin í núverandi framboði sem nýtir til fulls torfærugetu sem gert er ráð fyrir af Discovery.
En það fá ekki allir þetta vélaframboð, því samkvæmt fréttum er dísilvélin horfin af Bandaríkjamarkaði, og þar hefur bensínknúin 2 lítra 4 strokka vél með túrbínu hefur verið sett ofan í vélarsalinn.
Glansandi svartir fletir
Andlitslyftingin er eftirtektarverð. Ný LED framljós, afturljósasamstæðan er samsett með svörtum glansandi panel eflaust til að bíllinn sýnist breiðari. Hins vegar er enn jafn óþolandi að horfa aftan á bílinn þar sem númeraplatan er einhvernveginn of stutt frá miðju til að geta talist nógu mikið til vinstri. Það er eins og ekki hafi tekist að miðja hana og minnir á skakkan munnsvip eða beyglu eftir létta aftanákeyrslu.
Það er eitt og annað sem hefur verið gert til að lyfta gamla upp. Stuðararnir hafa fengið uppfærslu og loftinntök verið sett að framanverðu, bætt við lakkflötum og nýtt grill. Svo er hægt að velja úr talsverðu úrvali af nýjum felgum líka.
Það sem mönnum þykir hvað eftirtektarverðast við breytingarnar er það sem er kallað R-Dynamic trim. Það eru glansandi svartir listar í kringum bílinn að utan (ekki ólíkt til dæmis nýja Plug-in hybrid Toyota RAV4 og Suzuki Across). Allt gert til að ná fágaðra og sportlegra lúkki í senn. Að innan erum við að tala um tvítóna leður áklæði með grófum saumum.
Nýtt viðmót
Splunkunýtt margmiðlunarviðmót, stór og stæðilegur 11.4 tommu snertiskjár er fyrir miðju mælaborði sem hefur einnig fengið yfirhalningu. Land Rover kallar þetta nýja kerfi Pivi Pro og þykir einstaklega hraðvirkt og notendavænt. Hægt er að uppfæra kerfið yfir netið. Mælaborðið er komið með nýja viðmótið úr stóra bróður, Defender ásamt uppfærðu stýrishjóli og gírstangarbúnaði.
Afturí hafa Land Rover menn lengt setur í annarri röð og bætt loftflæði frá miðstöðinni. Einnig hefur verið komið fyrir festingum fyrir spjaldtölvur og USB tengjum bætt við.
Þegar kemur að torfærugetunni hefur svosem litlu verið bætt við nema aksturstillingu fyrir akstur í vatni og myndavél að framan - ClearSigth Ground View myndavélatækninn.
Byggt á frétt Autoblog.
Aðrar umfjallanir
Þegar Dacia ákvað að endurbæta Sandero, söluhæsta litla bílinn sinn, stóð fyrirtækið frammi fyrir harðri spurningu: Hvernig á að bæta við nægri tækni til að mæta...
Fimm nýir Volvo FH16 dráttarbílar voru afhentir með viðhöfn hjá Velti á Hádegismóum 8 á föstudaginn. Það voru eigendur og starfsmenn...
Hefur þú heyrt af kraftaverki Trabantsins frá Íslandi? Ef ekki, þá gæti þér þótt þessi litla grein skemmtileg. Líka ef þú hefur heyrt söguna áður!