Toyota kynnir næstu kynslóð Land Cruiser
- Kemur væntanlega víða á markað í sumar, en ekki þó í Bandaríkjunum
Fyrir okkur sem erum frekar fjarri helstu bílamörkuðum þarf stundum að vera á vaktinni til að fylgjast með því nýjasta sem er að gerast.
Toyota Land Cruiser er einn merkasti bíll allra tíma. Jeppinn sem er óneitanlega „flaggskip“ Toyota hefur verið til í 70 ár; meira en 10,4 milljónir Land Cruiser-jeppa hafa verið seldar í 170 löndum.
Það hefur reyndar verið löng bið eftir alveg nýrri útgáfu - síðan 2007.
Kemur á markað í sumar
En við verðum að reiða okkur á útlendar bílavefsíður, sem margar hafa verið að fjalla um þessa nýju útgáfu af Land Cruiser. Gefum vefsíðunni motorauthority.com orðið:
„Toyota kynnti næstu kynslóð Land Cruiser á miðvikudaginn. Þekktur innan fyrirtækisins sem 300 serían, hann kemur á flesta markaði sem árgerð 2022 og búist er við að hann muni koma á markað í sumar. En það vekur athygli að þessi nýi Land Cruiser kemur þó ekki á Bandaríkjamarkað.
En að mati margra var löngu kominn tími á endurhönnun Land Cruiser. Fráfarandi 200 sería hefur verið til sölu síðan árið 2008.
Jeppinn er áfram með yfirbyggingu á grind en er í dag smíðaður á nýjum GA-F grunni sem Toyota segir lækka heildarþyngd ökutækis um 200 kg, með lægri þyngdarpunkt.
Lengd, breidd og hjólhaf ökutækis, sem og aðkomu- og fráhorn, eru þau sömu og áður í flestum búnaðarstigum samkvæmt upplýsingum Toyota. Hönnun hefur heldur ekki breyst mikið; helsta aðgreiningin eru stór loftop við grillið.
Báðar vélarnar eru paraðar við 10 gíra sjálfskiptingu.
Toyota útbjó nýja Land Cruiser með „rafrænu hreyfibúnaðarkerfi“ eða „Electronic Kinetic Dynamic Suspension System“ (E-KDSS) með aðlagandi kerfi höggdeyfa til að bæta áhrifin í akstrinum.
Kerfi „Multi-Terrain Select“ akstursstillinga og „Multi-Terrain Monitor“ myndavélakerfi er hannað til að hjálpa í akstri í torfærum.
Nýtt í tæknihliðinni er „Toyota Safety Sense“ aðstoð ökumanns, sem þegar er staðall í flestum öðrum gerðum bílaframleiðandans.
Hættir á Bandaríkjamarkaði
Toyota hefur staðfest áður að Land Cruiser muni hætta í Bandaríkjunum eftir árið 2021. Sérstök „Heritage“ útgáfa af 200-bílnum þjónar sem lok bílsins á þessum markaði.
„Ein mikilvægasta kynning á nýjum bíl á árinu“
Sumir bílavefir líta á þessa kynningu á nýjum Land Cruiser „að hún sé án efa ein mikilvægasta jeppakynning ársins“, eðs svo segir á vef motor1.com.
Sumir freistast til að segja að það sé meiri veruleg andlitslyfting á gamla LC200 frekar en alveg ný gerð þar sem útlitið hefur frekar bara þróast.
Meiri breytingar í innanrými
Að innan hefur verið miklu breytt til að koma til móts við staðalgerð níu tommu upplýsingaskjá eða nýjan 12,3 tommu skjá, sem er aukabúnaður.
Ekki til sölu hér á landi
Samkvæmt upplýsingum frá Páli Þorsteinssyni upplýsingafulltrúa Toyota á Íslandi kemur Land Cruiser 300-bíllinn ekki á markað í Vestur Evrópu og verður því ekki til sölu hér á landi.
Myndbönd sem sýna eiginleikana betur
Hér að neðan má sjá vídeó af þessum nýja Land Cruiser 300 sem sýna eiginleika bílsins betur í smáatriðum:
Hér er fjallað um yfirbyggingu og grind:
Hér er verið að segja frá fjöðrunarkerfinu
Og hér segir frá eiginleikum Land Crusier 300 í torfæruakstri
Aðrar umfjallanir
Sjötta kynslóð Espace verður frumsýnd í vor sem fimm eða sjö sæta bíll...
Mercedes mun setja á markað nýja rafknúna gerð árið 2024...
Þessi umræddi bíll var framleiddur þann 21. október 1971 í Hamtramck samsetningarverksmiðjunni í Michigan. Hann verður því 51 árs í mánuðinum...
BMW hefur ítarlega kynnt áttundu kynslóð sína af „iDrive“-upplýsingakerfinu, sem komið hefur fram í nýja iX rafknúna sportjeppanum og á að láta sjá sig í væntanlegum...