Renault mun koma með Espace „minivan“ sem sportjeppa í millistærð
Sjötta kynslóð Espace verður frumsýnd í vor sem fimm eða sjö sæta bíll
PARIS -- Renault mun setja Espace á nýjan stall sem fimm og sjö sæta sportjeppa sem verður sýndur í vor, eftir fimm kynslóðir sem „minivan“ eða fjölnotabíll.
Fyrsta kynslóð Espace kom á markað árið 1983 en á síðustu árum dróst salan verulega saman þar sem kaupendur völdu jeppa eða crossover í auknum mæli fram yfir „minivan“.
Fimmta kynslóð Renault Espace (á myndinni) kom á markað árið 2015. Salan hefur minnkað úr meira en 25.000 bílum í 1.135 bíla á síðasta ári.
Espace verður byggður á Renault-Nissan CMF-C/D grunninum, fyrir litla og meðalstóra bíla, sagði Renault á þriðjudag.
Frá vinstri til hægri, fjórða, þriðja, önnur og fyrsta kynslóð Espace-bílsins.
Sala í Evrópu á fimmtu kynslóðar útgáfunni var aðeins 1.135 eintök árið 2022 samanborið við 2.773 árið 2021, samkvæmt tölum frá Dataforce.
Gerðin var frumsýnd árið 2015 og seldist í um 21.500 eintökum í Evrópu; fyrri kynslóðir höfðu selst vel yfir 50.000 bíla á ári.
Peugeot 5008, sem var með svipaðar sölutölur og Espace árið 2015, skilaði verulegri söluaukningu þegar hann var endurútbúinn sem crossover fyrir 2017 árgerðina.
(Automotive News Europe).
Aðrar umfjallanir
Snilligáfa Hamiltons kom berlega í ljós í Sao Paulo um liðna helgi, skrifar Mika Häkkinen fyrrum ökumaður í Formúlu 1 en hann er einn af þeim fjölmörgu sem rýnt hafa í atvikið sem átti sér stað í kappakstrinum á sunnudaginn.
Hyundai mun bæta við öðrum litlum sportjeppa í framboðið í Evrópu og tvöfalda framboð sitt í flokki sem stækkar hratt...
Julian Thomson, yfirmaður hönnunar hjá Jaguar, segir að búist sé við að meiri áhersla á aðgreining vöru og djarfari hönnun muni...
Það er dálítið sport að vera fyrsta Formúluliðið sem afhjúpar bíl komandi keppnistímabils. Já, það er í raun svolítil keppni þó að ekki sé veittur neinn bikar eða derhúfa í verðlaun.