Rafknúni jepplinginn MG Marvel R Electric kynntur í október
MG frumsýndi í mars tvær nýjar kynslóðir rafbíla sem koma á Evrópumarkað á árinu.
Útfærslur eru þrjár, Comfort, Luxury og Performance og eru forpantanir viðskiptavina hafnar hjá BL.
Þægindi
MG Marvel R Electric er rúmgóður jepplingur (SUV) sem var sérstaklega hannaður fyrir þarfir Evrópubúa sem leggja áherslu á fallega hönnun, þægindi og afköst.
Í afturhjóladrifnu útgáfunni er að auki 150 lítra farangurspláss undir hlífinni að framan.
Þá er Marvel R Electric búinn 19,4 tommu snertiskjá fyrir stjórn afþreyingar og upplýsinga og rúmlega 12 tommu stafrænu mælaborði ásamt fjölbreyttum tengimöguleikum fyrir síma og viðtæki ásamt þráðlausri tengingu við internetið, nákvæmt leiðsögukerfi og fleira.
Fjórhjóla- eða afturhjóladrif
Fjórhjóladrifin útgáfa MG Marvel R Electric er búin þremur rafmótorum; einum að framan og tveimur að aftan. Bíllinn er 288 hestöfl, drægi rafhlöðunnar er um 370 km og snerpan úr kyrrstöðu í 100 km/klst. 4,9 sekúndur.
Bíllinn er 180 hestöfl, drægið um 402 km og snerpa úr kyrrstöðu í 100 km/klst. 7,9 sekúndur.
Hámarkshraði MG Marvel R Electric er takmarkaður við 200 km/klst. óháð útfærslum.
Getur hlaðið fartölvu og rafskutlu
Í MG Marvel R Electric er 70 kWh rafhlaða sem unnt er að hlaða úr 5% í 80% á aðeins 43 mínútum. Þá er bíllinn búinn svokölluðu vehicle-to-load rafkerfi sem leyfir m.a. tengingu við annað og ótengt rafkerfi, t.d. til að knýja loftdælu eða hlaða fartölvu eða rafskutlu.
Öryggi og notagildi
MG Marvel R Electric er búinn sívirkum nútíma öryggisbúnaði, m.a. MG Pilot-kerfinu sem inniheldur fjórtán mismunandi öryggiskerfi sem vara við aðsteðjandi eða mögulegum hættum í umferðinni.
Nánari upplýsingar
Hægt er að kynna sér mismunandi gerðir MG á vefsíðunni mgmotor.is, þar á meðal búnað MG Marvel R Electric sem frumsýndur verður hjá BL við Sævarhöfða í október.
Aðrar umfjallanir
Jafnvel þótt þeir misskilji skilgreininguna á hestöflum, þá geta flestir náð skilningi á þessu hugtaki. Þó að þeir beiti...
„Ertu klár í bíltúr inn í eilífðina?“ Þetta er slagorð líkkistusmiðs nokkurs í Bandaríkjunum en hann er einn þeirra sem smíða óhefðbundnar kistur; Bílalíkkistur fyrir bílaáhugamenn.
Hvað segirðu? Snúningssæti? Ekkert mál! Ferhyrnt stýri? Að sjálfsögðu. Og auðvitað stjórnar maður háu ljósunum með fætinum. Já, okkur finnst við kannski töff í dag en margt af því „nýstárlega“ hefur verið til í bílum fortíðarinnar en kannski var mannfólkið ekki alveg tilbúið fyrir sumt af því. Ekki í þá daga.
Ofursportbílar eiga væntanlega lítið erindi hér á landi vegna lélegs vegakerfis og strangra hraðatakmarkana, en það er vissulega gaman að skoða þá, því oftast er hönnun...