Ítölsk bílasmiðja umbreytir Ram 1500 í sérstæðan eðalvagn
- Bíllinn er búinn Hemi V8 með tveimur forþjöppum
Það leynir sér ekki frá þessu sjónarhorni að Palladium er byggður á grunn pallbíls.
Bílaáhugamenn sem voru hrifnir af Mercedes-Maybach Ultimate Luxury hugmyndabílnum og urðu fyrir vonbrigðum með þá ákvörðun Benz að smíða ekki þann bíl geta nú tekið gleði sína á ný. Palladium var búinn til af ítölskum bílasmiða að nafni Aznom og er eins og fjögurra sæta fólksbifreið sem er byggð á grunni sem er fenginn að láni frá Ram 1500 pallbílnum.
Langt hjólhaf einkennir Palladium og hliðarhurðirnar koma beint frá RAM 1500.
Breidd bílsins nýtist til dæmis til að vera með mjög breiðan miðjustokk.
Mitt á milli fólksbíls og jeppa
Palladium er á milli fólksbifreiðar og jeppa, bæði hvað varðar hönnun og og hvað varðar byggingu, og bíllinn er markaðssettur sem „ofurlímósína“. Það kom á óvart að Marcello Meregalli, stofnandi fyrirtækisins, útskýrði að hann byrjaði að skoða smíði fólksbifreiðar eftir að hafa séð forsetabílinn frá Cadillac-merkinu, sem var frumsýndur árið 2008. „Þessi tiltekni Cadillac kom með lokahnykkinn“ á hugmyndinni, rifjaði hann upp í yfirlýsingu.
Stigbretti sveiflast sjálfkrafa niður þegar komið er að bílnum.
Fegurð er mjög í augum áhorfandans, svo það eina sem hægt er að segja um yfirbyggingu Palladium er að hún er ekki fíngerð. Framendinn einkennist af grilli með lóðréttum innfelldum LED-ljósum, þykkum krómskreytingum og framljósum sem líta út fyrir að vera einföld og beint frá RAM. Séð frá hlið er augljóst að það voru lítið sem hönnuðurnir sem gátu gert til að dulbúa mikið hjólhaf RAM 1500 og hurðirnar fjórar koma beint af pallbílnum.
Og allur afturhlerinn rúllar út eins og risastór skúffa til að veita aðgang að skottinu. Það er eiginleiki sem er samtímis bæði skrýtinn og nýstárlegur.
Aftursætin eru eins og hásæti þjóðhöfðingja.
Og það er nóg pláss fyrir þá sem eru farþegar í aftursæti, borð og spjaldtölvur til reiðu.
Og það er sérstakur skjár til að stilla hitastigið í kæliskápnum.
Sérstök geymsla fyrir kristalsglösin
Hlutföllin gera Palladium mjög sérstæðan, sérstaklega í heimalandi sínu Ítalíu, en þau leyfðu einnig hönnuðunum að hrista fram úr erminni óvenju rúmgóða innréttingu sem aðallega er hannaður fyrir þægindi í aftursæti. Farþegar að aftan ferðast á bekk sem Aznom lýsir sem hásæti og þeir njóta góðs af þægindum eins og aðskildu loftkælingarkerfi, Harman-Kardon hljóðkerfi, tveimur Microsoft spjaldtölvum, auk ísskáps.
Auðvitað er pláss til að geyma kristalsglösin; hvernig ætti það annars að vera?
Og eins og flottum eðalvagni sæmir þarf bara að draga fram hólf í armbríkinni sem geymir kristalsglösin.
Ram 5,7 lítra Hemi V8
Kraftur fyrir Palladium kemur frá tvöföldu Ram 5,7 lítra Hemi V8 vél með tvöföldu túrbó. Hún er stillt til að gefa 710 hestöfl og togið er 950 Nm og hún er tengd við átta gíra sjálfskiptingu. Aznom vitnar í 4,5 sekúndna sprett frá núlli upp í 100 km/klst. Fjórhjóladrif er staðalbúnaður.
Afturhlerinn nær út á hliðar bílsins.
Og þegar þarf að komast í farangursrýmið þá er það dregið út í heild eins og risastór skúffa.
Framleiddir verða tíu bílar og hver og einn verður einstakur vegna þess að viðskiptavinum verður boðið að taka þátt í hönnunarferlinu. Aznom benti á að hann búist við að vekja áhuga frá kaupendum í Evrópu, Bandaríkjunum, Miðausturlöndum, Rússlandi og Kína.
Það hljómar ekki eins og búið sé ráðstafa öllum bílunum nú þegar og upplýsingar um verðlagningu hafa ekki verið gefnar upp.
(Autoblog)
Aðrar umfjallanir
Ofurdriftbíllinn, hinn sérsmíðaði 1.400 hestafla Ford Mustang Mach-E, sem er í eigu Vaughn Gittin Jr., átti að vera hér á landi í kvikmyndatökum síðasta sumar. Hætt var við þau áform eftir Íslandsheimsókn og myndbandið tekið upp í Færeyjum.
Fer það betur með sjálfskiptinguna að skipta í hlutlausan á umferðarljósum en að leyfa bílnum að malla í „drive“ meðan beðið er eftir græna? Það er sannarlega góð spurning en Bílablogg fékk þessa klassísku spurningu frá einum lesanda. Lítum nánar á málin!
Vörubílstjórar eru auðvitað á ferðinni á undarlegustu tímum og það er einmitt þá sem undarlegir hlutir eiga sér stað. Sögur bandarískra vörubílstjóra eru fjölmargar og hér er ein góð - um það sem ekki er á ferli í dagsbirtu!
Getur golfbíll verið töff? Í fljótu bragði má ætla að svarið sé „nei“ því golfbílar eru flestir áþekkir smáum götusópum, án sóps og sogbúnaðar.