2022 Opel Astra afhjúpaður með áberandi línum og fjölbreyttum aflrásum
Rüsselsheim: Opel hefur í dag afhjúpað nýju, sjöttu kynslóð Astra. Saga þessa mest selda bíls frá Opel hófst fyrir 30 árum með afkomanda hins goðsagnakennda Kadett. Með nýjum Astra opnar þýski framleiðandinn nú næsta kafla:
í fyrsta skipti er þessi bíll fáanlegur með rafdrifi.
![image](https://img.bilaskra.is/images/1626208808_2776026215349074107_820112848066084.jpg)
Opel Astra er í raun einn elsti bíllinn í þessum stærðarflokki í Evrópu og er nú að skipta yfir í næstu kynslóð og kemur með alveg nýja hönnun að innan sem utan ásamt endurbættum grunni.
Enn og aftur er bíllinn smíðaður heima í Rüsselsheim í Þýskalandi, en framleiðslan hefst af fullum krafti í haust.
Sjötta kynslóð Opel á Astra Astra hefur alla möguleika til að keppa við hina bílana í þessum flokki: Golf, Focus, Megane og Octavia.
![image](https://img.bilaskra.is/images/1626208809_4340967747175516951_820113580841445.jpg)
![image](https://img.bilaskra.is/images/1626208810_2569836435909606673_820115089474802.jpg)
Á heimasíðu Opel kemur eftirfarandi fram sem aðalatriði við þessa frumkynningu á nýjum Astra:
- Astra rafmagnaður í fyrsta skipti sem tengitvinnbíll í tveimur aflstigum
- Áberandi og hrein hönnun með Vizor og valfrjálsri málningu í tvílit
- Fullkomlega stafrænn stjórnklefi með breiðum skjám og innsærri stýringu
- Skilvirkar vélar með 6 gíra beinskiptum gírkassa og 8 gíra sjálfskiptingu
- Nýjasta Intelli-Lux LED® Pixel ljósið með 168 LED einingum
- Fjölmörg sjálfvirk aðstoðarkerfi fyrir mikið öryggi og þægindi
- Vistvæn AGR vottuð sæti, sem aukabúnaður í leðri og Alcantara
- Bíllinn er hannaður, þróaður og framleiddur í höfuðstöðvum Opel í Þýskalandi
![image](https://img.bilaskra.is/images/1626208811_3191068612839134292_820115729812529.jpg)
Skyldleiki við Peugeot 308
Opel Astra þarf einnig að keppa við Peugeot 308, þar sem bílarnir tveir deila EMP2 grunni þar sem bæði vörumerkin eru hluti af Stellantis - fjórða stærsta bílaframleiðanda heims.
Franska útgáfan tekur djarfari nálgun en sú þýska tekur öruggu leiðina með hreinna útliti.
![image](https://img.bilaskra.is/images/1626208813_5688441420584106626_820117182824401.jpg)
Aðeins breytingar á stærð
Við skulum tala stærð. Nýr Astra hefur teygt sig um fjóra millimetra umfram fráfarandi kynslóð og er nú 4.374 mm á lengd.
![image](https://img.bilaskra.is/images/1626208814_2707045556830004940_820118723291549.jpg)
Opel gengur svo langt að segja að hlaðbakurinn hafi „coupé-líkar“ línur, þótt allir séu því kannski ekki sammála. Aukin stærð bílsins bætir burðargetu á stillanlegu hleðslugólfinu þar sem það hefur vaxið um 52 lítra í 422 lítra með aftursætin á sínum stað.
![image](https://img.bilaskra.is/images/1626208815_1443279481384673402_820119803647248.jpg)
Rétt eins og á ytra byrði er innanrýmið mjög frávikið frá eldri Astra K að taka upp hönnun með fáum hefðbundnum hnöppum.
Fullt af nýrri tækni
Eins og við mátti búast af algerlega nýjum bíl í stærðarflokki C er Opel Astra fullur af tækni. Bíllinn fær LED-ljósa tæknina frá flaggskipinu Insignia, með hvorki meira né minna en 84 ljósdíóður í hverri samstæðu aðalljósa.
Skriðstillir með stop & go er fáanleg, sem og sprettiskjár í sjónlínu ökumanns og 360 gráðu myndavél.
![image](https://img.bilaskra.is/images/1626208816_8833876472278855169_820120372390609.jpg)
Opel fer í þessari fyrstu kynningu ekki of djúpt í smáatriði um aflrásirnar, en það er hægt að reikna með að þær verði nokkuð líkar nýjum Peugeot 308.
Þýska vörumerkið staðfestir að Astra 2022 verði fáanlegur með vali á bensín- og dísilvélum með afköst frá 110 hestöflum (81 kW) til 225 hestafla (165 kW).
Í fyrsta skipti verður tengitvinnbúnaður einnig fáanlegur og hann kemur í tveimur aflstigum. Boðið verður upp á sex gíra beinskipta og átta gíra sjálfskiptingu, sem fer eftir því hvaða aflrás er valin.
Fyrstu bílar afgreiddir snemma árs 2022
Byrjað verður að taka við pöntunum í haust og fyrstu afhendingar viðskiptavina eiga að fara fram snemma á árinu 2022.
![image](https://img.bilaskra.is/images/1626208817_4543016345171959966_820121333515739.jpg)
Síðasti Astra með hefðbundinni brunavél
Að lokum er rétt að taka fram að þetta verður síðasti bíll Astra með brunavél í Evrópu miðað við að Opel hefur heitið því að vera eingöngu með rafbíla í Evrópu árið 2028.
(byggt á vefsíðu Opel og Motor1 – myndir Opel)
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1612438899_5173623579079130347_321843368000.jpg)
Annars vegar virðast Samsung og Toyota (og fleiri) vera sammála um það að rafbílarafgeymar framtíðarinnar verði svokallaðar solid state rafhlöður...
![](https://img.bilaskra.is/images/1630932033_1920144013179203108_2137053884749443.jpg)
Ef nauðsynleg leyfi fást frá yfirvöldum í Ameríku verða fyrstu pallbílarnir afhentir núna í september...
![](https://img.bilaskra.is/images/1612443076_4812199369472174793_4498823095000.jpg)
Nýlega uppfærður Lexus RX crossover af árgerð 2020 hefur hlotið „Top Safety Pick“-verðlaunin frá IIHS - öryggisstofnun Bandaríkjanna fyrir öryggi á þjóðvegum...
![](https://img.bilaskra.is/images/1667130006_5060457111640828321_20755910720374995.jpg)
Er það vegna þess að mér er svo annt um umhverfið að ég get ekki hugsað mér að aka um á bíl sem puðrar út baneitruðum eldsneytisgufum...