Fyrsti rafbíll Jeep mun koma árið 2023
Stellantis-samsteypan hefur þegar tilkynnt um áætlanir sínar varðandi rafvæðingu fyrir ýmis vörumerki, en á þriðjudaginn gaf fyrirtækið upp nánari tímalínu um hvenær sumir rafbílarnir koma – eða nánar bílar frá þeim sem aðeins nota rafmagn frá rafhlöðum. Með þessari uppfærðu tímalínu vitum við nú að Jeep mun kynna fyrsta rafmagnsbílinn sinn, sem aðeins notar rafhlöður, á fyrri hluta ársins 2023.
Ekki er vitað hvort þessi nýi rafknúni Jeep verður byggður á núverandi gerð eða verður eitthvað alveg nýtt. Vefurinn thetorquereport.com segir orðróm um að rafknúinn Jeep (sem aðeins notar rafmagn frá rafhlöðum) verði crossover sem er minni en Renegade. Alfa Romeo og Fiat munu einnig kynna svipaða crossover rafbíla.
Grunnarnir eru kallaðir STLA Small, STLA Medium, STLA Large og STLA Frame. Drægni rafbílanna verður á bilinu 480-800 km.
Jeep ætlar að lokum að bjóða upp á rafmagnsútgáfu í öllum þeim stærðarflokkum sem þeir eru með í dag árið 2025. Þetta þýðir að Wrangler rafbíll er mjög líklegur, sem Wrangler Magneto hugmyndabíllinn er búinn að forsýna nú þegar, en hann er einmitt á myndinni hér að ofan.
(byggt á frétt á thetorquereport.com – mynd Jeep)
Aðrar umfjallanir
Það er ekkert óeðlilegt við það að tárast yfir því að sjá 34 ára E28 fara í gang eftir tólf ára hlé og vanrækslu. Er það nokkuð? Nei, gott því annars væri maður kannski eitthvað spes.
Áður en akreinarviðvörunarkerfi, blindblettavöktun og bakkmyndavélar voru til, var bílaheimurinn með eina mikilvægustu öryggistækni sem fundin hefur verið upp - bremsuljós. Þó að bremsuljós séu á öllum bílum í dag, var það ekki alltaf svo. Reyndar er saga bremsuljósa áhugaverð.
Stefnir á markað í Þýskalandi, Noregi og Danmörku árið 2022...
