Þegar felguboltar eru allt of hertir
- Gott að vera með lengra skaft á felgulyklinum
Sem betur fer er það miklu sjaldgæfara í dag að dekk springi á bílum, og raunar er það svo í mörgum tilfellum að það eru naglar, skrúfur eða aðskotahlutir sem valda því að dekkin tapa lofti.
Sökudólgurinn – skrúfa hafði stungist inn í dekkið.
Þegar í sveitina var komið fannst sökudólgurinn; skrúfa hafði stungist inn í dekkið og með henni lak loftið.
Ég er svo heppinn að vera á bíl sem er með varadekk, svo næsta skref var að taka „leka dekkið“ undan og setja varadekkið í staðinn.
Til að finna örugglega út hvar lekinn væri á dekkinu var volgu sápuvatni helt yfir dekkið og þá komu strax í ljós sápukúlur í kring um skrúfuhausinn sem hafði stungist í dekkið.
En þá upphófst vandinn – hvorki meðfylgjandi felgulykill, né stóra skaftið í toppasettinu sem var einnig með náði að losa felgurærnar. Þetta er örugglega vandamál hjá mörgum því dekkjaverkstæðin nota öflugar vélar til að herða rærnar – svo mjög að við aumingja ökumennirnir náum ekki að losa þær.
Framlengingarskaft er nauðsyn
Í mörg ár hef ég haft rörbút með felgulyklinum til að „lengja“ átakið, og seinni árin var ég með sérstaka „útdraganlega“ framlengingu, sem er sérhönnuð til svona verka.
Svona framlengingarskaft með réttum toppum fyrir felgubolta er nauðsynlegur „aukahlutur“ fyrir marga! Með einfaldri leit fann ég strax svona „græju“ á vefnum hjá Stillingu – kostar kr. 4.795,- og verður keypt við fyrsta tækifæri!
Ég gleymdi hins vegar að koma mér upp svona búnaði þegar ég skipti um bíl síðast, en það verður snarlega ráðin bót á því, þannig að þessi vandi komi ekki upp aftur.
En varadekkið fór undir og allir vegir færir á eftir!
Aðrar umfjallanir
ID.Buzz var valinn "bíll ársins" í Danmörku með eins stigs forskoti á þann næsta
Það er margt sem gleður augað á bílasýningunni í Detroit. Fyrir þá sem ekki hafa kost á því að skella sér...
Annan desember árið 1977 var flutningaskipið Blue Belt á leiðinni frá Jeddah í Sádi-Arabíu til hafnarborgarinnar frægu Port Sudan, þegar það sigldi á sker í Rauðahafi, um 45 sjómílur norðan við áfangastaðinn. Farmurinn hvílir enn á hafsbotni: 181 Toyota, varahlutir, traktorar og vörubílar.
Sunnudaginn 17. janúar 1965 unnu 14 menn mikið þrekvirki, eins og það var orðað í Alþýðublaðinu, þegar þeir komu þremur jeppum upp á Esjuna. Í dag er þetta auðvitað algjörlega bannað eins og allir vita, en þetta var nú á síðustu öld.