Þegar spindilboltinn brotnaði!
- Þegar það var stundum raun að eiga gamlan bíl….
Ég var að skrifa um gamla tímann á dögunum, og þá rifjaðist upp sá tími þegar ég eignaðist fyrsta bílinn minn, sem þá var 22ja ára gamall! Sem sagt fimm árum eldri en ég sjálfur!
Ég á ekki mynd af þessum fyrsta bíl sem ég eignaðist en hér er mynd af bíl sömu gerðar; Morris 8 árgerð 1939. En minn bíll hafði tekið smá „breytingum“.
Flottu „innfelldu“ framljósin, sem voru ekki ósvipuð og á VW bjöllunni, voru horfin og í staðinn voru komin framljós af Austin 8, sem þá voru fest sitt hvoru megin á vélarhúsið.
Vélin í bílnum var einnig úr Austin 8. Menn kunnu að bjarga sér á þessum árum!
Hann var staðráðinn að fá sér betri bíl þegar „próflausa“ árið væri yfirstaðið, en var með „gott“ þriggja stafa bílnúmer á bílnum, og hann bauðst til að selja mér bílinn fyrir lítinn pening – að því tilskildu að ég myndi vera með númerið á bílnum þetta ár, en hann myndi síðan fá það á nýja bílinn og ég myndi fá mér annað númer.
Morris 8 árgerð 1939.
Spindilboltinn brotnaði á Keflavíkurveginum
Ég átti þennan ágæta Morris í nokkur ár og hann þjónaði mér ágætlega. Á því tímabili var ég að vinna sem kokkur á Flugvallarhótelinu á Keflavíkurflugvelli, og vann á hálfs mánaðar vöktum.
Á vaktatímabilinu bjó ég á Vellinum, en fór stundum heim í vaktafríum.
Gamli Keflavíkurvegurinn sem þá lá með Vatnsleysuströndinni og síðan yfir Vogastapann til Keflavíkur var á þessum tíma malarvegur og stundum var ástand hans ekki gott; lítill ofaníburður og stórar klappir í vegyfirborðinu.
Spindilboltinn brotnaði úr auganu á framöxlinum vinstra megin og hjólið datt af!
Næsta verk var að fá kranabíl frá Vöku til að draga bílinn með framendann á lofti heim á hlað í Setbergshverfið ofan Hafnarfjarðar, og koma mér svo aftur suðureftir í vinnuna.
Skýringarmynd af „spindilbolta“. Spindillinn sjálfur er með „klafa“ sem er með gati að ofan og neðan fyrir spindilfóðringu, en spindilboltinn er síðan rekinn í gegn um fóðringarnar og gatið á endanum á frambitanum, og þannig er hægt að snúa framhjólunum.
Gott að eiga góða að
Það var ekki hlaupið að því að finna varahlut í 22ja ára bíl þá frekar en í dag, og þá var ég svo heppinn að einn af félögum mínum í Hjálparsveit Skáta í Hafnarfirði, Snorri Magnússon, var að læra rennismíði hjá Agli Vilhjálmssyni.
Tveimur dögum síðar var búið að raða þessu saman á hlaðinu heima og Morris farinn út að aka.
En það var ekið ákaflega „varlega“ um erfiðu vegarkaflana á Keflavíkurveginum í næstu ferðum.
Hér má sjá hvernig þetta virkaði í raun og veru undir mínum gamla og góða Morris á sínum tíma.
Aðrar umfjallanir
Polestar - systurfyrirtæki Volvo á sviði framleiðslu rafbíla, í eigu kínverska fyrirtækisins Geely - hefur leitt í ljós hina sönnu losun útblástur koltvísýrings (CO2) Polestar 2 rafbílsins og kallaði eftir upplýsingum...
Audi hefur endurskoðað SQ7 og SQ8 sportjeppana sína og búið þá með nýrri 4,0 lítra túrbó V8 bensínvél. Nýja vélin kemur í stað...
„Ný föt, sama röddin,“ mun Björgvin Halldórsson hafa sagt einhverju sinni en það er kannski ekki svo fjarri því sem hér verður fjallað um. Nokkrar gerðir bíla hafa verið eins í grunninn býsna lengi og ýmsir farnir að bíða eftir nýrri kynslóð. Lítum á fimm þeirra sem sárlega þyrfti að skipta út.
IONIQ 6 er byggður á rafmagns-grunni (E-GMP) Hyundai Motor Group og er búinn margskonar háþróaðri tækni og viðskiptavinamiðuðu, rúmgóðu innanrými. Að auki veitir það aukið drægni sem er yfir 610 kílómetrar á einni hleðslu (WLTP-áætlað), sem endurskilgreinir mörk rafhreyfanleika.