25 nemar í starfsnámi hjá Skoda mun brátt taka Kamiq og breyta litla sportjeppanum í einstakan rallbíl
Það getur ekki verið leiðinlegt að fá að búa til rallýbíl í starfsnáminu! Nemar hjá Skoda eru að smíða rallútgáfu af Kamiq með aðstoð akstursíþróttadeildarinnar. Áður hafa sjö hópar nema í starfsnámi hjá framleiðandanum hannað og smíðað eigin hugmyndabíla
En á þessu ári munu lærlingar Skoda fá smá aðstoð frá akstursíþróttadeild fyrirtækisins til að klára Kamiq rallbílinn.
Þessi nemendaskissa, sem fylgir hér með fréttinni, forsýnir útlit hugmyndarinnar. Af teikningunni að dæma mun Kamiq missa tvær afturhurðir og fá fjöldann allan af rallýbílaáherslum, svo sem vindskeið á þaki, risastóran afturvæng, áberandi brettakanta og vindkljúf að framan.
Þar sem nemendur geta reitt sig á innsýn frá akstursíþróttateymi Skoda, eigum við líka von á nokkuð raunsannri vélrænni uppfærslu.
Fjórhjóladrif er sterkur möguleiki í ljósi þess að rallýbíllinn er stuttur og ef þörf er á meira afli gætu nemendur jafnvel sett 242 hestafla 2,0 lítra aflrás frá Skoda Octavia vRS undir vélarhlífina á Kamiq, þar sem báðir bílarnir eru byggðir á afbrigði af MQB grunni Volkswagen Group.
Innréttingin mun fá álíka hrífandi yfirhalningu. Hlutir eins og veltibúr, kappaksturssæti, sex punkta öryggisbeisli sérstakt stafrænt rall-mælaborð, munu allir birtast í farþegarýminu, þar sem sumir þessara íhluta eru líklega sóttir úr birgðageymslum varahlutadeildar Skoda Motorsport.
Hugmyndabíllinn verður settur saman af hópi 25 lærlinga við Skoda iðnskólann í Mlada Boleslav í Tékklandi.
Verkefnið markar 120 ára afmæli Skoda Motorsport og er það unnið sérstaklega til að fagna velgengni fyrirtækisins í rallheiminum.
Fylgir fyrri verkefnum
Þessi nýja rallútgáfa Kamiq fylgir verkefnum eins og Slavia roadster og sérlega vel hannaðri pallbílaútgáfu af Kodiaq, sem kallast Mountiaq.
„Nemendabíllinn“ Skoda Mountiaq.
Og hér má sjá „frumgerðina“ Skoda Kodiaq hægra megin og Mountiaq, sem er byggður á honum, vinstra megin.
(frétt á vef Auto Express)
Aðrar umfjallanir
Það var búið að tilkynna íbúum við Huntley Street í Darlington með góðum fyrirvara að þann 10. maí yrði gatan malbikuð og voru skilti hér og þar með upplýsingum um fyrirhugaðar framkvæmdir. Íbúar áttu að færa bílana sína og það gerðu þeir. Allir nema einn. Einn BMW var ekki færður og hvað þá?
Í gær fór fram heimsfrumsýning á nýjum fjórhjóladrifnum og alrafmögnuðum Volkswagen ID.4 GTX. Umboðsaðili Volkswagen á Íslandi, Hekla...
Mercedes-liðið í Formúlu 1 hefur dregið allar kærur, skammir og fúkyrði „til baka“ og vill nú að allir verði vinir. Annar eins viðsnúningur hefur ekki sést lengi en nú ætlar liðið að einbeita sér að því að „byggja upp jákvæða ímynd Formúlu 1“.
Erfiðleikar við sölu á minnstu bílunum með hagnaði mun líklega þvinga fleiri bílaframleiðendur til að skera niður gerðir í þessum hluta markaðarins á næstu fimm árum.