Hugmyndabíll á sportjeppagrunni er sýnishorn af framtíðinni: Framtíð sjálfkeyrandi bíla þar sem stjórntæki ökumanns eru nánast falin.

Þegar bíllinn var kynntur á  bílasýningunni í Los Angeles  lagði Hyundai sérstaka áherslu á sveigjanleika hönnunar sem er möguleg með E-GMP rafbílagrunninum.

„Seven varpar upp loftaflfræðilega hreinni mynd sem er ósjálfrátt frábrugðin dæmigerðum sportjeppa,“ sagði Hyundai í fréttatilkynningu. „Lág frambrún húddsins, straumlínulaga þaklína og lengt hjólhaf sendir skýr skilaboð um fráhvarf frá hefðbundnum sportjeppum sem knúnir eru af brunahreyflum.“

Framtíðarhönnunin nær einnig til innréttingarinnar

„Flatt gólfið gerir Hyundai Motor kleift að kanna valkosti við hefðbundna sætaskipan sem byggir á röðum, sem skapar gott innra skipulag,“ sagði framleiðandinn. „Hurðirnar á millibita bjóða upp á glæsilegan inngang sem býður farþega velkomna inn í áður óþekkt rými í bíl.“

Eiginleikar sjálfkeyrandi bíls

Hugmyndin gefur einnig mynd af sjálfkeyrandi bílum framtíðar og möguleikanum á að  fela stjórntæki ökumanns og búa til innréttingu í setustofustíl, með snúningsstólum og sveigðum afturbekk.

Hyundai Seven gæti gefið til kynna hvað er væntanlegt í Ioniq 7.

Ioniq 5 er einnig á sýningunni í Los Angeles. Hann er nú þegar til sölu á sumum mörkuðum og ætti að rata til bandarískra umboða í fyrir lok ársins.

Nýta sér tæknina

Hyundai vill nýta rafbílatækni sína til að ná aukinni markaðshlutdeild. Líklegt er að 800 volta rafhlöðuarkitektúr Hyundai Motor Group sé meðal hraðvirkustu hleðslukerfa markaðarins.

(Frétt á Automotive News Europe – myndir Hyundai)

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.