BMW M 1000 RR frá Lego
Fyrsta M-merkta mótorhjól BMW er nú komið sem kubbasett frá Lego
Hagkvæmari leið fyrir áhugasama til að fá hjólið í takmarkaðri framleiðslu
Á síðasta ári sýndi BMW M 1000 RR mótorhjólið. Það var fyrsta mótorhjólið til að bera M-merkið eins og aflmiklu bílar BMW og það hafði 212 hestöflum til að dreifa. En með aðeins 500 eintök sem voru smíðuð um allan heim var ekki beint auðvelt að ná í það.
Ef þú misstir af, eða áttir einfaldlega ekki aur fyrir einu slíku, hefur BMW tekið höndum saman við Lego til að selja smærri útgáfu af hjólinu.
Lego BMW M 1000 RR Mynd: BMW / Lego
Settið sýnir góða útfærslu af M 1000 RR. Skalinn er 1:5 og lengd hjólsins mælist tæpir 46 cm. Það samanstendur af 1.920 einstökum stykkjum.
Lego Technic
Þar sem hjólið er Lego Technic-sett hefur hjólið líka flotta virkni. Áhrifaríkaut er sú staðreynd að það er með virka beinskiptingu. Með þremur gírum og hlutlausum er það nokkrum gírum minna en í alvörunni, en það er samt frekar flott.
Hjólið er einnig með virka fjöðrun og raunverulega drifkeðju og gír fyrir afturhjólið.
Lego BMW fer ekki í sölu fyrr en 1. janúar og því verður þú að bíða þangað til eftir jólahátíðina með að krækja í eitt slíkt. Það mun einnig kosta 229.99 dollara (eða sem samsvarar 29.975 ISK). Ekki ódýrt, en vissulega meðfærilegra en hitt hjólið.
Hér svo mynd af „alvöru“ hjóli frá BMW af sömu gerð. Mynd BMW
Myndband sem sýnir hjólið:
Aðrar umfjallanir
Á þessu ári, 2023, munu allir Peugeot bílar verða rafvæddir af einhverju tagi, þar á meðal 3008 og 5008...
Sjeik er alveg agalega spes orð. En sá sem er sjeik hlýtur að eiga skrautlegan bíl. Porsche 911 Turbo S sem var í eigu kúveiska sjeiksins Nasser Mohammad al-Ahmad Al-Sabah er einmitt í lit sem nefnist Vanilla Yellow.
Ford umboðið á Íslandi er í dag hjá Brimborg. En Ford á sér langa sögu hér á landi. Árið 1926 fékk fékk Sveinn Egilsson umboð fyrir Ford á Íslandi.